مســـــــــــــاطيــــــــــــــل season 2

season 2 دي عجبتني
معليش قاعد احضر قناة فوكس كتير اليومين دي
مش كويس ما كتبت ليكم لأول مرة على قناة مجانية

الموسم الجديد معليش يا الناس القدام الكنتو متابعين
ما حيكون كلو نكت
مرة مرة كده حنتكلم عن حاجات حاصلة
وانا ما بحب اشرح كتير
اللبيب بالاشارة يفهم

د. عروتنا حمد لله على سلامتك

بي صراحة المنتدى وحشني
والفيس بوك سرقني
واريج مجذوب عصرتني
مشتااااااااااااقييييييييييييييييين

مسطول سأل صاحبو ولدوك يوم شنو؟
قال ليه: يوم الجمعة
رد: كضاب يوم الجمعة اجازة


انتو الاضراب الكان في الجامعة ده حق ناس منو؟
يا هناي ناس الجمعية السنة دي كان ما عملو ليك معارض امشي اضرب
مش بتجي المعارض عشان الخلط
خلاص ناس الاضراب يوم داك كانو خالطيييييييييييييين في امانة الله
جيب هناية وتعال اخلط
غايتو جنس فارغة


مسطول عندو دجاج
وحدة ما قاعد تبيض مسكها معط ليها ريشها كلو
قال ليهم : اسمعو هنا تاني الما بتبيض 5 بيضات انا بمعطها زي دي
تاني يوم جا لقاهم كلهم بايضين 5 الا وحدة بيضت 3
مسكها قال ليها ده شنو؟؟؟؟
قال ليه: انا الديك


قالو دوري الكلية مسخن اليومين دي
وفي تألق لافت لكل اللعيبة
فريق الجمعية...... عذبتنا



ناس الفيس بوك
ما بضرك شي كان فتحت المنتى في صفحة صغيرة بالجنبة
مالو سلم على اخوانك هنا برضو
برضو ده بيتنا
والنسى لي قديمو تاه
( بيني وبينك الجديد شديد )


وحدة مسطولة بتحب بتاع مطافي
طول ما لاقاها
ولعت حريقة في بيتهم
طلع اليوم داك ما نبطشي


ناس الاضراب قالو دايرين ويرلس في كليتهم
قلنا ليهم دقو شير

ناس الدفعة 12 ما شالله اساسيين في المنتدى
كلو في السليم ابقو عشرة
مهند أزهري ليك وحشة يا راجل


مسطول قال اثبتت دراسة طبية ان من ينام بعد الساعة الواحدة صباحا



بيفوتو حلم الساعة 11 ونص في القناة التانية


وحش اكل علبة تونة بقى
وحشتونا
وحنواصل بعد نشوف ردودكم

جميل

والله يابوب ليك وحشة أكتر ومشتاقين ش ش والمنتدى بدونكم ما بيسوى
فمرحبا بعودتك الى أرض المنتدى وحمد لله على السلامة
ونحن في انتظار المزيد من مشاركاتك
الجميلة
والمرحة
والمسطولة
حقت يوم الجمعة اجازة دي قوية

يديكم العافية د\امنة وهنو
انا قنعت من خيرا في الردود
لكن عشان خاطرك بس يا مهند حأنزل موضوع تاني وبالجد نتمنى المنتدى يعود زي أول


وكل سنة وانتو طيبين