خطوبه شاب ..

khaled ibrahim 19/12/2009, 06:15

القصة بتقول واحد شاب مشى اخطب ..............!
المهم خطب وقالوا اهل البنت نشاور البنت اول بعدين نرد لك خبر
مرت الايام وادوهوا خبر
مشى الشاب لبيتهم
وقابل ابوها وقال له البنت عندها شرط واحد !
قال : شنو ؟
قال : انها تجلس معك !!! انبسط هو على الطلب --(جاك يا مهنى ماتمنى)
قال وين نجلس ؟
رد ابوها :
بكيفكم... المهم اتفقوا انهم يتقابلو في حديقه واخوها الصغير معهم
طلعوا وتكلموا وانبسطوا
رجعت البنت للبيت
وأبوها سألها انشاء الله الود عجبك ؟
قالت البنت هو عجبني بس فيه حاجة ما عجبتني
قال ابوها : شنو
قالت ياكل فى لبانة من يوم جلسنا لحدى قمنا
أبوها قابل الولد وقال ليه ياولدى فيك حاجة ماعاجبانى !
قال الشاب خير ياعمى ؟؟
قال الاب اللبانة البتاكل فيها 24 ساعة دى !
رد الشاب بصراحه انا ما باكل لبانة الا اذا دخنت >> ياعيني على الصراحه
قال الاب انت بتدخن ؟
رد الشاب ما ادخن الا اذا شربت بس "
قال الاب وكمان بتشرب !!
قال الشاب انا ما أشرب الا اذا حششت ..
قال الاب وتحشش كمان ؟؟
قال الشاب بس انا ما أحشش الا لمن اجلس مع صاحبى اللي تعرفت عليهم في السجن
قال الاب :-
لاااااا ومسجون كمان----- قضيتك شنو ياشقى ؟؟
رد الشاب : ابدا ياعمى قتلت واحد بس ...!
قاتل واحد بس ....!!! قتلته ليه
قال الشاب ابدا ياعمى خطبت بنته وقالى انت ماعاجبنى خالص ...!!!
رجع الاب للبنت وقال لها يا بنتي انا شايف اللبان دا مافيه اى حاجة عادى يعنى الله اهديك ..!!!!!

**ahmed amin** 19/12/2009, 17:55

ههاااااي

عاقل جدا الراجل

**Orwa Abdelmonim** 20/12/2009, 00:06

هاهاهاهاهاها .. الراجل خاف يكون الضحية التانية .. مشكووور يا دكترة

proff_khibra 28/12/2009, 19:57

القصة دي موجودة في مدونة الاستاذ الفاتح جبرا تحت عنوان (شنو كان لاك لبانة ؟) وبي (لهجة بلدنا)

وبعدين انتو حنك القصص اللي (بالخليجي) الماشي في المنتدى ده شنو ؟!!

_أكيد الكلام ده للعموم وما مقصود بيهو انتا ياخالد_
الواحد بقى يخش المنتدى ويجيهو احساس انو قاعد يقرا في (الشارجة) مش في (الشجلة)!!

وما غريبة بعد فترة نلاقي اتنين واقفين بيتونسو مع بعض تحت السلم :

ـ والله ذاك الدكتور محاضراتو مملة (مرة مرة) !!

ـ اقول بس (ترفقي) لا يسمعك احد . . ودك تودينا ف دهية !!

ـ ...................

ـ ...................

ـ اجل وشلون عرفت اني واقفة الحين هني تحت السلم وانا مسكرة الجوال ؟!!

وفي ذات اللخظة يلتفت خلفه ليجد عم (سدير) بتاع الحرس ملوحا بـ(عقال) في يده وهو يصيح فيه :

ـ الله يلعن ابليسك يا شيخ ، ما تتوب انت ، انا توي الحين ما لقيتك في ذيك المكتبة انت ومعاك هالحرمة! اقول بس انقلعو قدامي ع المكتب !!!!!...

ولا ما كـــــــــــدة !!

مهند أزهري 3/1/2010, 02:26

بئس الرجل هذا خاطر ببنته لصالح نفسه ولا الخواااااااااااااف رب عياله.
وشنو برف خبرة شان حمله على ش ع ما الجامعة دي كلها ش.ع

خطوبه شاب ..

خطوبه شاب ..

رد: خطوبه شاب ..

رد: خطوبه شاب ..

رد: خطوبه شاب ..

رد: خطوبه شاب ..