رمضان ولى هاتها ياساقي

اكيد ياشباب لا اقصد البيت بما قصده صاحبه من معاني اذ كان يقصد الخمر بقوله:

رمضان ولى هاتها ياساقي مشتاقة تسعي الي مشتاق

وكمان لا قصدي الجبنة ولا حتي الشامبيون....لانو بي العقل كدة الجبنة الواحد كان في رمضان بشربا بعد الفطور مع برنامج السر قدور...اما الشامبيون زاتو بقي صعب اتلقي(الكلام دا ليك يا الناجي ماناقصين تكفيرك في الفارغة والمليانة والمقدودة).. وانما اقصد به الكيبورت الذي لم نعاقره كثيرا خلال الشهر الكريم....تحية للجميع ...وكل سنة وانتو طيبين....وزي ما بقول اللمبي سنة قديدة عليكو يارب.....او زي مابقول احمد حلمي اطعم مسا عل الكباتيين...وانشا الله المنتدي ينشط شوية اكتر من كدة....وبالمناسبة المريخاب المساكين خلال الشهر الكريم الواحد ما لقي طريقة يكاويهم بيها...بالله اي مريخابي تجي تكاويهو يقول ليك اللهم اني صايم...متاجرة بالصيام شديدة...اها رمضان انتهي...طبعا المريخاب ديل ما بتغلبم الحيلة...حايعملوا لينا نفسم(الصايم ديمة) ويلبسوا نضارات سود وبرضوا لما نجي نكاويهم حايقولو اللهم اني صايم...كدي اقبض لي واحد منكم بياكل والله الا ااكلوا شوتات وارغو الشترا واحدة ورا التانية....ويانا يا السفارة في الب العمارة

تحية للجيل الحاينزل الكلية قريبا ...بالله بلغوهم تحياتنا...وقولو ليهم علينا جاي منتدي مجاني وسلام للجميع

موال :

في الحظة والتو

لحظة الميلاد

كنتي نقطة ضو

فرهدت بيك فرهيد

وانتشيت بالريد

وطرت بيك الجو

قالوا ايضا بت

قلت مالوا ولو

بختي بختي

انتي بتي

امي واختي

همي شيلي

شيلي مني

مني ختي

...