معقوله نسبة القبول لكليتنا 87 !!!!

تفاجئت عندما سمعت ان نسبة القبول لكليتنا 87 بالنسبة للطلاب و89 للطالبات .بهذه النتيجة تحتل كليتنا المرتبه الأخيره من كليات الصيدله مع العلم بأننا لا نقارن مع هذه الكليات على المستوى الأكاديمي.يمكن أن نعزي هذه النسبه الى قلة الاقبال على جامعتنا او على تدني النسبه (الله أعلم) لأن باقي كليات الصيدله لم تتأثر كثيرا بتدني النسبه العامه
والله يستر علينا من تدني النسب كل سنه

المساله ما مسالة اكاديميات بس يا خالدونا.
انا لو في زول استشارني قبل يقدم اكيد حاقول ليو يقدم الاسلاميه كاخر خيار بين كليات الصيدله .

يااخي الكلية دي مكتبوب في بابها إحذر خطر ضغط اكاديمي عالي
تقولي شنو !!!!!
اسي لوخيروك حتختارا تاني

,
والله ياخالدونا انت براك شايف الكلية القصة ما اكاديميات بس فى الكتير وحمدالله ع السلامه كنت منطلق وين وداىما سالىن عنك

والله ياهبك أنا ماقصرت وعملت العلي _أي زول جا سألني منها شكرتها ليهو شكر شديد أقنعت انو زيها وزي الخرطوم(في أي شئ) لكن تقول شنو

___________________________________________

وياشيوب لا أول لا تاني _أنا أساسا ما اخترتها (الله يجازي اللي كان السبب)

__________________________________

تسأل منك العافيه يامجاهد ونورت منتداك

_________

مشكورين على الردود

ولسة ياخالدونا السنة الجاية صيدلة الاسلامية بي 67%بس

فعلا غريبه بالرغم من إنو خريجي الإسلامية صارو قوة لايستهان بها في سوق العمل سواء في الشركات أو المصانع أو الصيدليات أو حتي في إدارة الصيدلة .. وعلي الرغم من هذه النسبة سيظل صيادلة الإسلامية هم الأفضل والأفضل فقط .. ودا عن تجربه شخصية ما كلام ساكت ..

خلودي تفتكر كلية تحتوي علي كمية من العباقرة بقيادة العبقري........
كلية تحتوي علي هبك وأحمودي!!!
فماذا تتوقعون؟!!!


كلية الصيدلة جامعة ام درمان الاسلامية سنة 50 .... نسبة القبول 50%

استووووب يا شباب يا شيوب وهبك وخلدونا
كليتنا مالا؟؟؟؟ انا والله عاجباني شديد واي زول سالني شجعتو يقدما
والله ماف اي طلبة صيدلة بقدرو ينافسونا في علمنا دا
وتاني لو على حته الاسلامية والترفيه الفي باقي الجامعات
ف اظن ناسنا احنا بالذات مامقصرين نهائي!!!

يا جماعة الحكاية ما من منظور اكاديمي المنهج فل والعباقرة كتار على قول t2 ولكن الموقع الجغرافي يلعب دور كبير جدا في ذلك وا شنو يا ناس الكتيحاب
زي ما انتو عارفين اطول رحلة في العالم بعد الاسراء والمعراج هي الرحلة من البوابة الى الكلية حاجة روعة
تقبل مروري
وشكرا على الموضوع

ما تزعل يا خالد نسبة القبول الحقيقية لي كليتنا هي طلابها المرغوب فيهم في كل اماكن العمل !!!!!!!!!
اطمن يا حبة !!!!

حسب الرسم البيانى اللى كان ماشة بيهو نسب دخول الكلية فى الاعوام الماضية كانت فى زيادة مضطردة فى النسبة لكن النسبة تنزل هذا العام مؤشر على انو فى مشكلة واحد من اسبابها علي ما اعتقد خفض قبول الطلاب بالموازى.المهم الكلية المفروض تنتبه للحتة دى وتكثف الاعلام حول الكلية.فى النهاية ده ما بغير في المحصلة النهائية لخريج الاسلامية المتميز دوما

يا جماعه ما تلفو من الموضوع الاساسي
الزول دا اتكلم عن انو نسبة القبول قلت ما عن العمل
بعدين شنو خريجين الاسلاميه مرغوبين يا مهدي؟ يعني خريجي باقي الكليات <النسبها ارتفعت دي> قاعدين عطاله؟ ما برضو شغالين.
الاسلاميه عموما ما مرغوبه مش كليتنا بس ؛ وانا شايف انو نسبة القبول الضعيفه دي دليل على زيادة الوعي عند الطلبه القدمو السنه دي .
وزي ما قال خالدونا الله يجازي اللكان السبب.

ياشباب ما تنسوا أنه اغلبية الطلاب اللي بيقدمو الأسلامية صيدلة كملحوظة
أولا راغب لكلية الصيدلة حتى لو كان في في أبعد خلا 0( تورابورا) وأنامهاه في دي
ُ ثانياهم طلاب من الولايات لانه ماشاف الكليه أصلا ( كمثال دفعتي أغلبيتهم من الولايات )
بعدين ياهبك مهدي قصدوا ليك صاحب العمل بيفضل خريج الأسلامية من ناحية الشغل والعلم
في أعتقادي القبول الموازي كان بيدي رفعه بسيطة في النسبه لزيادة عدد المقدمين
نتمنى نسمع عن صيدلة الاسلامية كل خير