حكــاية .. العولـــــــــــــــــــــــــــمة !! (بالعامـيـــــــّة)

proff_khibra 23/7/2009, 17:22

في قرنـــنا الداخل جديد (شيتن) بسمّو (العولمـــة)

يمكن يكون معنى التقدم .. والنماء .. والحوسنة

وده باختصار معناها في كل البقاع لكن أكيييد ما (عندنة)

لأنو بي كل الوضوح ومن غير (زيف) أو هضلمة

معناها واااحد مالو تاني ياهو ذاتو (العوتــــــــــــمة)

الناس زماااان طلعو (الفضا) ولي شوفتو كان مستعجلة

زاروا (المريخ) مشوا لي (زحل) .. و(القمرا) صبحت زي (هدل)*

و والله لو ما خايف (الكضب) .. (القمرا) أقرب من (هدل) !!

عاوزين تعرفوا كلامي ده كيفن حصل ؟؟!!!

لو (صحيو) اتنين بالصباح .. (مايكل) في (ناسا)** كان هناااك .. و(الجيلي) كان في (المنقبة)***

(مايكل) صحا بي (مزاااج) .. وبي كل هدوء وصّل (عيالو) المدرسة

وجا تاني (ودّعا) للمدام .. قاليها مشوارا ً قريب .. ساعة زمن وبكون هنا

وبي حسابات الفلك ..

عارفين (أكيد) إنو القمر أبعد كتييير لي (ناسا) .. من حي (هدل)للــ(منقبة) !!!

و مايكل ضبط كل أجهزتو و (شغّلا) .. وربط كمان (للأحزمة)

و(عدّولـــو) من تلاتو ولي (تحت) .. وقالولوا (ديك) القمرا أسرع (حصّلا)

و أكيد بتسألوا (زولنا) داااك عامل شنو ؟!! .. آآي .. (الجيلي) .. بتاع (المنقبة)

طاقّاهو الشمس من الصباح .. راجيلو حافلة يركبها

شايل في إيدو كيس (خدار) .. ومتحامي من حرّ (الهجير) بي (ضل) جريدة (مصفِّرة)

و(خاتّيلو) راديوها ً صغير في جيب (قميصو) مشغّلة

ومع كل مأساتو (العليو) .. وحالوا الحزينة (المؤلمة)

ظهر (المذيع) .. بعد 300 إعلان (بسكويت) .. و 50 دعاية (مفرمة) !!

إحم .. إحم ..

الأغنية القادمة : جدودنا زماان ، كلمات : الراحل سرور ، ألحان : المرحوم كرومة

و(الغنية) سايره لي (نصّها) .. وفجأه .. وبدون أي اعتذار

(طبّ) المذيع من تاني .. لكن أكيد بعد .. (ليبهـــر) و (سوداني) و (كنــار) !!!

هنــا امدرمان .. ننتقل بكم و(مباشر) كمان .. إلى قاعة منبر وكالة السودان

لننقل مؤتمرا ً بعنوان : (العولمة وأثرهــا على المواطن الغلبــــــــــ . .

وبي سرعة أدهشت اللي جنبو .. وقبل حتى ما ينتهي العنوان

الجيلي كان ماسك المؤشر .. لفّاهو يمين .. و (ودّاهو) شمال

وبي (سِرّو) كان بيدعي ويقول : طوِّل روحنا يا مطوّل الآجــال

وفجأة .. ظهرت من بعيييد (حافلة) .. يمكن (توديهو) للعيال

لكنو مسكين .. (ضاق) العذاب .. لأنو ركوبها كان من المحــال

مليانـة لي حد (سقفها) .. و (مميِّلة) نحو الشمال !!

أصلو (المقدّر) لابد يكون .. حتى لو كان من الخيال

وبعد محاولات دامت طويل ..

(الجيلي) سلّم أمرو لي ربّو الرحيم .. وأخد لو (تاكسي) .. آية في الجمال

ومن رِكِب سرحان من وين يحصّل (أجرة) المشوار .. هو حل (واااحد) .. يديّنو من جارهم الغسّـال

حاول الســايق (يكسر) الصمت الطويل .. فتح الراديو :

هنــا B B C لندن .. أمــا الآن فإلى (ناســـــــــــــــــــــــــــا) الإنتقال . .

كســــــــــــــــــــــــــــــــــــــــــــــــــــــــــــــــــــــــــــــرة :

(أتِـــــــــــــــــــمّ) الحكاية دي .. ولا إتعرف المقـــــــــــــــــــــــــــــــــال

مايكل رجع .. وقاعد (يتغدا) مع (أم العيـــــــــــــــــــــــــــــــــــــــــــــال) !!!!!! _____________________________________________________________________________
@@كيبــــــــــــــــــــــــــــــــــــات@@
*هـــدل : حي عريق بمدينة بورتسودان .
** نــاسا : وكالة الفضاء الأمريكية .
*** المنقبــة : سوق قديم ببورتسودان لايبعد كثيرا ًعن حي هدل .

جميع الحقوق محفوظة proff_khibra 2009

proff_khibra 23/7/2009, 17:39

يــــــــــــاريت لو تدوني تعليقاتكم على الموضوع ده (بالذات) ..
لأنو (أنــا) شايفها حاجة جديدة (شوية) على السلسلة (السيناريوهاتية) .. انو يكون بي اسلوب زي اسلوب (القصاصين) بتاعين زمااان .. ومشكوووووووووووووورين كتير ..
proff_khibra

**Dr. Areeg magzoub** 23/7/2009, 18:42

بالجد ده الواقع الحاصل فى السودان الله يعينا على سوق المنقبة

حكــاية .. العولـــــــــــــــــــــــــــمة !! (بالعامـيـــــــّة) C12ea086cd

**bob** 23/7/2009, 22:50

ابداع شدييييييييييييييييييييييييييييييييييييييييييييييييييييد
no comment

صفاء الرشيد 24/7/2009, 01:16

اسلوب حلو شديد و وراو معاني كتيرة
<LK

**Orwa Abdelmonim** 24/7/2009, 05:16

مشكوووور علي المساهمة اللطيفة دي ..

**d.sombola** 24/7/2009, 05:28

حلـــــــــــــــــــــــــــوه يا بروفــــــــــــــــــــــــــــــــــــــــــــــــنا
استــــــــــــــــــــــــــــــــــــــــــــــــــــــــــــــــــــــــــــــــــــــمر

Mankaka 24/7/2009, 19:44

Orwa Abdelmonim كتب:مشكوووور علي المساهمة اللطيفة دي ..

proff_khibra 26/7/2009, 01:10

يديــــــــــــــــــــــــــــــــــــــــــــــــــــــــــــــكم العافيــــــــــــــــــــــــــــــة كلكم ما قصرتو وانشاء الله موعودين بالمزيد ... afro