الوظائف المتاحه للصيدلي في السودان حتي لا تتفاجئو

الشايقي 11/7/2009, 22:49

1/ بائع ادويه في دكان وقد يكون في السوق الشعبي
2/ دلالي يعمل في عرض وتبديل الادويه في احدي الشركات
3/ او تاجر يعمل في كسر الدواء

* فماذا تفضل ان تعمل في مستقيلك؟

الشايقي 12/7/2009, 00:05

انا افضل العطاله

**Orwa Abdelmonim** 12/7/2009, 00:21

والله يادكتور بيني وبينك كلامك دا فيهو جزء كبير من الحقيقة .. لكن .. لو مسكنا الجانب المشرق فيها إنها مهنة إنسانية يراعي فيها الصيدلي ظروف المريض ويعطيه الأفضل والأقل سعرا .. بعكس الطبيب الذي يملأ الروشته بما لذ وطاب من الأدوية من غير رأفة أو شفقه بحالة المريض الإقتصادية .. ولا رايك شنو .. أعتقد أن الأولي تناسبني في الوقت الراهن ..

الشايقي 16/7/2009, 22:57

كلو ضارب والله

**alfatih hamad** 16/7/2009, 23:03

اهلا اهلا بالدكتور فارما وينك ؟؟ منور المنتدى والله!!

كلام حقيقة ومهنة صيدلي في الخرطوم ماشه على انعدام يعني تشتغل في الاقاليم بس او تفتح ليك صيدلية!!

**Dr. Areeg magzoub** 19/7/2009, 21:56

هههههههههبالغته يا دكتور فارما ده شنو كان كدى القارين ليها شنو خمسة سنين سنة تنطح سنة الله يستر
كان كدى اخير العطالة ساااااااااااااى

Mankaka 20/7/2009, 01:33

بالطريقه ده نسافر بره احسن لينا lol!

**d.sombola** 20/7/2009, 01:38

Mankaka كتب:بالطريقه ده نسافر بره احسن لينا

سفر شنو ؟ بالطريقه دي احسن ليك تتأهل زي مهدي واريج. Rolling Eyes

عدنان عبدالله 20/7/2009, 01:58

يا صحبي كل من عندالله وانشاالله اي خريج صيدلي يلقي شغل كان في منيالا مامشكلة
اسي حاليا طالبين صيدلى خرجين وخبرة سنتين للسعودية(شكل انفلولزة الجنازير انتشرت بسرعة no comment

Dr.9ydala 4/8/2009, 02:56

والله كلامك صح..انت كدا جبتها بالكلام الحار الما قادرين نقولو .. بس مشكلة الصيدلة في السودان انها مجال جدييييييد وبما اننا في دولة نامية ف ما حيكون عندنا معامل بحثية ووووووووو........ ف يا نرضى بالوضع دا مع المحاولة على التحسين...أو نسافر برة

morella 4/8/2009, 04:06

الله يستر ان شاء الله الوضع يتصلح لمن نتخرج و اذا ما اتصلح ح نضطر نصلحه نحن او بالاصح مفروض نحن نغير قدر استطاعتنا ربنا يساعدنا . على الاقل نكون متفائلين ..... و بقولوا الفال تحت اللسان صح دا واقع بس ممكن يتغير باذن الله ................... شكرا على الموضوع طمنتنا شديييييييييييد pale

تقبل مروري.... flower

[/font]

الشايقي 6/8/2009, 21:18

حقيقه الوضع ماشي اسواء وكل مره الصيادله عددم زايد والضغوطات كبيره يعني السناربو المتوقع انخفاض المرتبات و زيادت نسبه العطاله وربنا يكضب الشينه والهاله سابه

**ahmed amin** 6/8/2009, 21:34

الشايقي 7/8/2009, 17:44

الحافله خشت بيك طرميت النحله ولا شنو يا احمد امين انا متاكد انك لقطتا الكلام دا منها

**ahmed amin** 8/8/2009, 16:55

ابدا يا خلودي انا عمري ما طشيت من موضوعك بس ما عايز اعلق لانو انا متاكد انك انت او اي واحد من الشباب الانضمو لي كليات الصيدله من الاول عارف تماما الليه من العليه وعارف تماما انو فرص العمل هي نفسها الذكرتها انت في البدايه يعني الموضوع ليس بمفاجأه نصتدم بها
بمعني اخر انت نفسك قبل تخش كليه الصيدله كنت عارف الخيارات دي تماما

تقبل مروري

الشايقي 8/8/2009, 21:04

ومما ذادني شرفا وتيها *** وكدت بأخمصي أطأ الثريا
دخولي تحت قولك يا عبادي *** وأن صيرت أحمد لي نبيا
انا قاصد الابيات دي

T2 و ت2 9/8/2009, 02:39

في البداية قريت عنوان الموضوع ..... العنوان مثير للغاية!!
فكرت انو احد الكرماء وعباقرة هذا الزمان عرض فرص عمل للصيادلة الاجلاء!!!
وان منتدانا الحبيب أصبح موقع للبحث عن فرص العمل!!!!
لكن تفاجأت _ذي الباقين_ Laughing

_ بموضوع عن العطالة وعن شغل الصيادلة و.................ذي ماشايفين فوق Rolling Eyes

:roll

ياخلوديي الدنيا لسه بخيرها ولو غلبتك حيلة ماظنيت الركشة سواقتها صعبة Laughing

بس المهم نتخرج أسي lol!

hbk 9/8/2009, 17:07

الشايقي كتب:1/ بائع ادويه في دكان وقد يكون في السوق الشعبي
2/ دلالي يعمل في عرض وتبديل الادويه في احدي الشركات
3/ او تاجر يعمل في كسر الدواء
* فماذا تفضل ان تعمل في مستقيلك؟

انا ما فاهم المفاجاه في شنو؟؟؟؟

بت صيدلة 22/8/2009, 23:08

المفاجاه وين هنا ؟؟
شغل الصيدلي الحقيقي في السودان هو الصيدلية .. لماذا ؟؟
لأنو ماعندنا معامل للبحوث .. مافي شغل حقيقي لي ناس السريرية .. مصنع الادوية فيهو 3 صيادلة لاغير, واحد يضع الفوميولا , والتاني عشان يراجعا, والثالث اكيد المدير
ونسبة للاعداد الفلكية للخريجين في السنة صعب انك تكون من التلاتة ديل

عشان كدة شغل الصيدلي الحقيقي في السودان هو الصيدلية ... عشان كدة خلوا شغل المناولة
لانو دا ماشغل الصيادلة ...
اي روشتة مفروض نقيف فيها ربع ساعة تقول لي البيشنت الدواء دا بتاع شنو وتوريهو الدوز ..وتعرف اذا كان عندو ضغط او سكري او اي مرض تاني .. واذا كان بياخد ادوية تانية .. وتوريهو ياكل شنو وماياكل شنو .. وفي النهاية تصرف ليهو الاودية بتاعتو

لكن عموما شغل الصيدليات بقي شغل دكاكين ومناولة

مهند أزهري 2/9/2009, 10:28

يا جماعة هو في أحلى من العطالة والنوم في البيت .
وأقول ليكم الواحد يشتغل خمس ساعات في اليوم يصرف منها روحه وكان الله يحب المحسنين
لأنها كده كده ما لايقة فأحسن الواحد يريح روحه على الاخر.

**bob** 2/9/2009, 23:21

T2 و ت2 كتب:في البداية قريت عنوان الموضوع ..... العنوان مثير للغاية!!
فكرت انو احد الكرماء وعباقرة هذا الزمان عرض فرص عمل للصيادلة الاجلاء!!!
وان منتدانا الحبيب أصبح موقع للبحث عن فرص العمل!!!!
لكن تفاجأت _ذي الباقين_ _ بموضوع عن العطالة وعن شغل الصيادلة و.................ذي ماشايفين فوق :roll

ياخلوديي الدنيا لسه بخيرها ولو غلبتك حيلة ماظنيت الركشة سواقتها صعبة

بس المهم نتخرج أسي

AbdoSami 8/10/2009, 03:07

انت ياخالد المستقبل الأسود دا لازم تبشر بيه أي زول يلاقيك؟؟؟؟
:)
ومن واجبي تجاه الشباب انو أبراهم شوية في الموضوع دا وأعتر ليك كالعادة

في البدء نحمد الله على نعم كثيرة .... أولها أننا لسنا كباقي المهن التي تملأ الأركان الشعبية والمقاهي بدون أمل بعمل يؤمن عيشة مستورة الحال لشخصه فمابالك بأسرته
نحن والحمد لله لازال أمامنا ابواب غير مطروقة في المهنة
ودعني أعيد ترتيب فرص العمل:
1-Community Pharmacist
2-Medical Representative
3-Governmental work
4-Semi-Governmental work (As Contracts)or others
5-Private Work
6-Teaching
7-Manufactureing
8-Hospitals
9-القوات النظامية

واظن ان غيرهم كثير
لكن المشكلة تكون في ضيق الفرص الحكومية والشبه حكومية مما يرجع الناس لدائرة الخاص والشركات والصيدليات
بالنسبة لموضوع السفر عن نفسي لاأنصح به الا:
1-للحصول على تأهيل علمي (ماجستير أو دكتوراه)
2-للحصول على شهادة معادلة
3-اذا كان عرض عمل مغري و(أسألوني) دا بقى ماااااااااافي عديييييييييل

بالنسبة لينا لمن دخلنا الكليه المعادلة كانت مختلفة تماااااااماااااا عن الوقت الراهن
1-كانت ساعة الصيدلي ب150
2-كان في ندرة شديدة في الصيادلة
3-فرص العمل كانت بالهبل
4-الشركات كانت بتفتح التوظيف من الجامعات
5-الحكومة بتسك الصيادلة عشان يشتغلو معاها
غبنا 5 سنة الدنيا بره اتقلبت
Sad

عموما لاضوء في اخر النفق ولا يوجد مايسمى بالنهايات السعيدة
الواقع صعب والتعايش معه أصعب وأصعب
لكم تقديري

وللحديث بقية

[b]

الشايقي 2/12/2009, 19:37

عبدو يا عزيزي كل سنه وانتا طيب يا مان المستقبل الاسود دا لازم الجميع يكون عارفنو عشان الفتره الاسي لاقين فيها الشغل يدخرو كويس ووسع افقم عشان يشوفو مشاريع بديله ولا رايك شنو؟ والدليل انو في كل ركنه في صيدليه يعني صعب انك تلقي ليك موقع تفتح فيهو خصوصا انو السوق دخلوهو جلابه كباااااااااار بي كروشم وقروشم

diaa sabawy 2/12/2009, 23:12

بالجد ربنا يكون غي عوننا .وزي ماعارفين الشغلة جابت ليها دبلومات يعني الصيدلة بقت ماعندها اي قيمة!!! احم

**الناجي عبد الغفار الحسن** 29/1/2010, 14:50

السلام عليكم يا شباب...
الصيدلة دي بقت ورطة علمية وعملية..
ووالله الحياة أوسع مما تتيحه الصيدلة..
وأقول لكم من باب التحدث بنعمة الله أنا الآن شغال في مجال الحاسوب في منظمتين وجامعة وشركتين وجهة حكومية رسمية شديييييييييييييييد بالإضافة لعملي الخاص(سودان سوفت ومشاريعها الفرعية-والله من كترة الزحمة ما قادر أركز لتنفيذ مشاريعها) ودكان في السوق العربي ..
دا كلوا قبل التخرج و عدم الحصول على شهادة البكالريوس يحد من مسيرتي كثيراً...
وخلاصة القول لا تتكلوا على الوظائف التقليدية ...
البلد ما زالت بكراً (متخلفة يعني)..
ومحتاجة للإبداع والعمل النوعي وصناعة الوظيفة بدل البحث عنها...
وأقصر طريق إلى ذلك الإطلاع على تجارب الدول المتقدمة (عبر الإنترنت مثلاً وأعتقد أنه يكفي لذلك) ونقلها للسودان ..
العالم بقا راكوبة صغيرة ..
يشهد الله أحياناً تقوم إحدى الشركات بإنتاج دورة علمية تدريبية مدفوعة تكلف مبالغ طائلة فأحصل عليها مجاناً بعد يوم أو يومين قال تعالى (فسينفقونها ثم تكون عليهم حسرة ثم يغلبون) ..
لا تدفنوا أنفسكم بين الشيتات والآمال والآهات..
الحياة فرصها أوسع...
إجعلوا الدراسة الأكاديمية نقطة إنطلاق وليس كل شيء ...
لا تفرطوا فيها ولكن لا تقصروا نظركم في حدودها فقط..
ولكم أن تلاحظوا حال الدكاترة في الكلية...
من جمع بين الأكاديميات والسوق الحر (مصانع... شركات...صيدليات وغيرها)....
ومن جعل نفسه للعلم الأكاديمي فقط..
وميزوا بين حالهم وفرصهم في التقدم..
فالبلد ما زالت لا تعرف أهمية البحث العلمي ولا معنى رعاية الباحثين والإنفاق عليهم..
والله أحياناً يكون الزول متفوق لكن ما يجد ثمن التحضير فيبقى مكبلاً ..
وأسألوا من جمع المال من الصيادلة لو أنه تبع الطرق التقليدية هل كان ليحصل على ما حصل عليه..

الوظائف المتاحه للصيدلي في السودان حتي لا تتفاجئو

الوظائف المتاحه للصيدلي في السودان حتي لا تتفاجئو

رد: الوظائف المتاحه للصيدلي في السودان حتي لا تتفاجئو

.....

رد: الوظائف المتاحه للصيدلي في السودان حتي لا تتفاجئو

رد: الوظائف المتاحه للصيدلي في السودان حتي لا تتفاجئو

رد: الوظائف المتاحه للصيدلي في السودان حتي لا تتفاجئو

رد: الوظائف المتاحه للصيدلي في السودان حتي لا تتفاجئو

رد: الوظائف المتاحه للصيدلي في السودان حتي لا تتفاجئو

رد: الوظائف المتاحه للصيدلي في السودان حتي لا تتفاجئو

رد: الوظائف المتاحه للصيدلي في السودان حتي لا تتفاجئو

رد: الوظائف المتاحه للصيدلي في السودان حتي لا تتفاجئو

رد: الوظائف المتاحه للصيدلي في السودان حتي لا تتفاجئو

رد: الوظائف المتاحه للصيدلي في السودان حتي لا تتفاجئو

رد: الوظائف المتاحه للصيدلي في السودان حتي لا تتفاجئو

رد: الوظائف المتاحه للصيدلي في السودان حتي لا تتفاجئو

رد: الوظائف المتاحه للصيدلي في السودان حتي لا تتفاجئو

خاااالد فاااارما؟؟!!!

رد: الوظائف المتاحه للصيدلي في السودان حتي لا تتفاجئو

رد: الوظائف المتاحه للصيدلي في السودان حتي لا تتفاجئو

رد: الوظائف المتاحه للصيدلي في السودان حتي لا تتفاجئو

رد: الوظائف المتاحه للصيدلي في السودان حتي لا تتفاجئو

خالد : حتجيب لي ضغط كدا :)

رد: الوظائف المتاحه للصيدلي في السودان حتي لا تتفاجئو

رد: الوظائف المتاحه للصيدلي في السودان حتي لا تتفاجئو

رد: الوظائف المتاحه للصيدلي في السودان حتي لا تتفاجئو