الكــــــــــلية . . الوحيــــــدة !!

بدون مقدمات قد تكون للبعض (مملة) نوعا ما ، وعلى غير العادة ارضاء ً لكافة الأذواق ، أرجو شاكرا ً لكل من يقرأ المقال أن يضيف أية اضافة يراها مناسبة أو ان يضع تعليقا ً وارجو كذلك أن يكون تعليقا ً (موضوعيا ً) . .
مع خالص محبتي . . proff_khibra



* نحن الكلية الوحيدة التي إذا صاح احد (أفرادها) بأعلى صوته (أخ) مستنجدا ً . . جاهو (صدى)
صوتو راجع !!
_ و(أخ) هذه في كثير من الأحيان لا تكون بسبب (المادة) !!



* نحن الكلية الوحيدة التي يعبر (فردها) يوميا ً جميع المناخات الطبيعية الموجودة على سطح
الأرض ابتداء ً من مناخ السافنا الغنية ( قبل ما يطلع الكبري ) وانتهاء ً بالمناخ الصحراوي !!



* نحن الكلية الوحيدة التي يستنشق (فردها) يوميا ً كمية من الغبار يمكن أن تمثل نسبة
معتبرة من كمية ما يسقط على سطح الأرض من غبـــار كوني !!



* نحن الكلية الوحيدة التي يغيب عن قاموس مصطلحات (أفرادها) عبارات بسيطة
جدا ًعلى شاكــلة : بعد اذنك ـ لوسمحت ـ آسـف و عفوا ً !!



* نحن الكلية الوحيدة التي لايمكن أن يتلقى (فردها) من صديقه أو قريبه أو . .
أو . . عبارة : حـــــضرنا . . . ولم نجـــدكم !!
_ لأن الأولى (مستحيلة) . . والغريبة انو التانية (برضو) مستحيلة !!



* نحن الكلية الوحيدة التي لا يعرف (فردها) مقرات الوزارات التالـــــية :
الموارد المائية ـ الزراعة والغابات ـ الشئون الاجتماعية ـ الثقافة والشباب والرياضة !!



* نحن الكلية الوحيدة التي يمثل (فردها) مورد (خام) و (هام) و (تام) لعموم قبائل
(الترزية) و (الإسكافية) في بلدي (الحبيب) !!



* نحن الكلية الوحيدة التي يتوافر لــ (فردها) وسيطة اعلامية (واحدة) تعمل ليوم
(واحد) في الأسبوع لمدة ساعة (واحدة) إلا (11) دقيقة !!



* نحن الكلية الوحيدة التي يمكنك أن تربط من خلال (فردها) بين العلامات الإعرابية
وطرق تقليل فقد الـــماء !!
_ فترى شخصا ً ( يكســِـر) ركبة من الصباح و ( يسكنْ ) جنب النافورة وما أن تصل
الشمس الى طوحال السماء تجد نفس الشخص ( يضُـم ) وَشُّـو مع ( التــّشديدة) اقصد
(التكشيرة) وفي الآآآآآخر ( يفتــَـح) فمـو . . وما عارف ليه ؟ !!!



* نحن الكلية الوحيدة التي تمر على (أفرادها) مناسبات عديدة : كالإستقلال ،
وعيد الأم ، واليوم العالمي لمكافحة الدرن ، و . . و . . و . . وغايتو :
العاقبة عندكم في المســــــــرات !!
_ حسي في زول جاب سيرة اليوم العالمي لغسيل اليدين !!!!





كـــــــــــــــــــــــــــــــسرة :
نحن الكلية الوحيدة . . . . . وكفايــــــــــة !!!!!!!!


جميع الحقوق محفوظة proff_khibra 2009

زي ماانت قلت يا بروفنا
نحن الكلية الوحيدة . . . . . وكفايــــــــــة !!!!!!!!
فأحسن حاجة انك ماتمغص روحك بي حاجات ماحتتغير وتخلي النفخ في القرب المقدوده وتعمل
ويااااااااريت لو تسك ليك ف.......... زي دي


مشكوووووووووووور

فعلا نحن ظروفنا صعبة وفى اشياء كتيرة ناقصانا فى الكلية .. انا اقترح نبدا نحسن وضعنا ونخلى سك الفراش لى سمبلة لوووووووووووووول

دا حال الدنيا يا دكتور..هسع الكلية بقت جنة..زمان وكت جينا كانت مبني واحد بس وجزء من المبني التاني..ومافي كولرات.. المهم إستحمل وعزاك إنو بتضم أفضل الدكاترة في المجال ده يقودهم حادي الركب بروف محجوب....... ودمتم في حفظ الله......

أول حاجة مشكووورين جدا ً على المرور . . .
وببدا بيك d.sombola فأنا قلتا :نحن الكلية الوحيدة . . . . . وكفايــــــــــة !!!!!!!! وقصدي بي كفاية دي : خلاااص لحدي هنا يعني بالعربي كدة الوضع النحنا (ميتينو) وليس (عايشينو) زي ما بيقولو بقية الناس (غيرنا) !!!
أما (حتة) اني اعمل نايم (5) سنين من عمري (وفي رواية اكتر) فــ دي كتيرة (شوية) وده طوالي بيقودني لي كلام د. sana بي انو في حاجات ناقصة وانو نحسن وضعنايعني نبدا (نعيش) بس السؤال : كييييييييييييف ؟
أما يا دكتور Orwa Abdelmonim فأنت يمكن مشيت لي (حتة) تانية خالص يعني أنا ما قصدي بالمقال ده انتقد الجو الاكاديمي في الكلية ! أو افكر انتقد الاداره ! (حاشا) والله !! (ده انا غلباااان) !!! بل العكس تماما أنا بشوف انو كليتنا دي من أفضل الكليات (استقرارا) في الحتة دي . . بس أنا قصدي (أفرادها) ويمكن ذكرت الـ(حتة) دي في كل نقطة . . فمثلا :
* نحن الكلية الوحيدة التي يغيب عن قاموس مصطلحات (أفرادها) عبارات بسيطة
جدا ًعلى شاكــلة : بعد اذنك ـ لوسمحت ـ آسـف و عفوا ً !!
أها ياتو ادارة في (الدنيــــا) ممكن تعالج ليك (مشكلة) زي دي !!! وده على سبيل المثال لا الحصر
وأنا يمكن قصدت (اتطرق) لي حتة (الموية) دي لأنو كلامك ده سمعتو كتير بي أنو (زمااان) ماكان في (مو بردات) بس الما قادر افهمو انتو كنتو عايشين : كيف ؟! وده برضو بيرجعني لي : (أفرادها) يعني لو الناس جابت (أزيار) بس في البداية كحل (مؤقت) وبرضو حسي الإدارة وصندوق التكافل ما قصروا جابو (حفاظات) ولو ملاحظ برضو انو (مويتها) بتخلص قبل حتى ما (يكسرو التلج) !!!
بطلع ليكم من كلامي ده (كووووولو) بي انو المشكلة فينا نحنا (أفرادها ثم أفرادها ُثم أفرادها) ! ! !
( إن الله لا يغير ما بقوم حتى يغيروا ما بأنفسهم )
و( إيد على إيد بتجدع بعييييييييد )
ومرة تانيه مشكوووووووووووووورين على المرور . . . proff_khibra

اهم شي التميز .. وهذا ما تميزنا به

ياشباب روقو وقولو الحمد لله
نحن العندكم حاليا ده زااااااااااااااتو زمان مالمينا فيه

كفايه بس اقول ليكم كان عندنا 3 فصول والمعامل كان بنقطع ليها الفيافى الجميله دى
واكيد مافى مويه شراب ولا حاجة للاكل ولاضل وحاجة تقيف جنبها