هنا MANKAKA دكتور تحت المجهر..

هنا يتم إلقاء الأسئلة على دكتور مانكاكا..

أول أسئلة لدكتور مانكاكا..
نود التعرف على بطاقتك الشخصية وكل ما يمكنك أن تعرفنا به عن نفسك...

مع انو لسه ماجاوب على الاول لكن ده تانى سؤال لمنكاكا

هل تصبر على نشر ثقافتك الدينيه وفكرك الموجود على هذا المنتدى بصوره
مباشره عن طريق اللسان فى كل المجتمعات المتاحه امامك ...
وياريت تدينا مواقف استعصت عليك

السلام عليكم ورحمة الله تعالي وبركاته
ودمتم سالمين

اول حاجه نتأسف علي التاخير علي الاجابة ونعتزر لانو انا قعد ادخل النت يوم الجمعة فما اتيحيت لي فرصه علي الجابه لكن بحاول ان شاء الله اعوضكم علي التقصير واقدم شكري اليكم للاستاضفتكم لي

بسم الله نبدا

اول نبدا بسؤال د.ناجي
البطاقة الشخصية
الاسم:محمد الحسين عبدالوهاب
الفرقه:الثالثة
السكن:جبره
العمر:21 سنة
الهوايات:عديدة

قال تعالي(واصبر فان الله لايضع اجر المحسنين)
وقال تعالي ايضا(وقل اعملو فسيري الله عملكم ورسوله والمؤمنون)
الهدف من المنتدي يا دكتور مهدي الفائده العامه.فانا وانت وكل فرد في المنتدي يسعي جاهدا لتقديم نفسه بشكل رائع من خلال مشاركاته,وهنا تظهر الفائده المرجوه من المنتدي.واي عمل تقصد به الخير للناس سوف يعود اليك بخير
كما قال الله عزوجل(هل جزاء الاحسان الا الاحسان)
اما عن سؤالك لي بخصوص المواقف فهي كتيرة,اما ان تكون في الجامعة او خارجه لكن للاسف الاكتر في الجامعة ودايره حبة صبر شويه وربنا يسهل
ودايرة واحد مرن يقدر يتعامل صح وربنا يدي العافيه
وتشكر علي السؤال وان شاء اكون قدرت اوفي بقدر منو

يلا يا جماعة دايرين اسئله تاني نحن منتظرين

مشكور منكاكا
وصلنى مفاد الرساله
وثوابك عند الله انشاء الله

فى اسئله تانيه شبابيه كده لكن خليها قدام لما اتعرف على
شخصك شويه من الاسئله بتاعت الجمهور
وربنا يعينك على الاجابه

نحنا منتظرين اسئلتك يادكتور وربنا يعينا علي الاجابة

المستقبل بالنسبة لي يادكتورة هو الامل
لانه بالامل نستطيع تحقيق اهدافنا وطموحاتنا.....
الامل هو طريق النور الذي يضئ الظلومات..........
الامل هو الوقود الذي يساعدنا علي كسر الصعوبات والحواجز......
الامل هو المصباح الذي يضئ الكون....
الامل هو القوة الداخلية التي تقودنا الي الامام مهما الظروف نفسها.....
واخيرا الامل هو الحياة نفسها....
وشكرا علي سؤالك

اول السلام عليكم يا محمد
على فكرة كان عرفتني ولا ما عرفتني لكن دي تاني مرة تخلعني والله العظيم..معقولة دا مانكاكا البعرفو ؟؟؟مرة في العلاجيات ومرة........
كيفك كدا؟؟؟ودراستك وكدا
.................................................................................................
يامحمد ماعرفت اسألك عن شنو لكن رايك شنو في تجربتي الكنت ماسكاها والشرح كيف؟؟؟ :) :)

منكاكا إسمك ده جبتو من وين؟؟
غريب ... بس إنشالله ماعندو علاقة بي كاكا من قريب ولامن بعيد!!

تيتوووووووووووووووووووووووووووو

كاكا ده مزعلك شديد كده

وعليكم السلام وحمة الله تعالي وبركاتة يا دكتورة مروة.....
ان شاء الله تكوني بخير....
حقيقة يا دكتورة مروة ما انتبهت لتجربة كويس لانو كان عندك زبائن كتار
وشكلا تجربتك كانت سمحه........(لكن نحن ما لقيننا طريقة مع الزبائن )
وحقيقة كانت صدفه سمحة انو قابلت في معرض الكولجي(ربنا يكتر الصدفات ).....
وان شاء الله نسمع منك كل خير

والله يادكتور الاسم ده ليو دلالات كتيرة.......
الاسم ده سماهو لي خالي..
واخوك طبعا كان بحب الفرتيك والركيب(تلمليك في اي حاجه تقوم تفرتك)......
ومن الحته كنت ناوي اخش هندسة مكنيكية...(لانو هواية)
لكن ربك ما اراد..
لكن حسع طبعا نسيت اي فرتيك مع الصيدلة...(شكلنا حنفرتك ادوية )......
وشكرا علي سؤالك...بالتوفيق

والله يا دكتور ما اتذكر انو قابلني موقف صعب......
وشكرا علي سؤالك