قصيدة وضاحة

الصباح الباهي لونك
وضاحة يا فجر المشارق
غابة الأبنوس عيونك
يا بنية من خبز الفنادك
شيدتي في جواي صوامع للفرح
وفتحتي في دنياي مسارح للمرح
وبقيتي لي سكة وعيون
لا قدرت أطولك عشان أجيك
لا قدرت من غيرك أكون
وانا بيك ماليني الكلام
حركت بيك عصب السكون
جلبت ليك الغيط رحط
طرزت ليك النيل زفاف
حرقت ليك الشوق بخور
وفرشت ليك الريد لحاف
لا السكة بيك بتنتهي
ولامعاك مليت طواف
يا ريتني لو بقدر أكونك

للامانة العلمية
الشاعر هو:أزهري محمد علي