بحـث
المواضيع الأخيرة
أفضل 10 أعضاء في هذا المنتدى
Orwa Abdelmonim | ||||
ahmed amin | ||||
d.sombola | ||||
Dr. Areeg magzoub | ||||
alfatih hamad | ||||
mahdi abdalazim | ||||
bob | ||||
Mankaka | ||||
مهند أزهري | ||||
القيصر |
مــرض . . حـــــمدي !!
+3
Orwa Abdelmonim
مهند أزهري
proff_khibra
7 مشترك
صفحة 1 من اصل 1
مــرض . . حـــــمدي !!
بداية القصــة :
كعادتها صباح كل يوم ، قامت حاجة (التومة) بعد وضعها لـ(بــراد) الشاي على النار بالتوجه صوب غرفة( الأولاد) . . والتي أضحت منذ ما يقارب العام غرفة (حمدي) ــ آخر عنقودها وطالب السنة الأولى بالكلية المرموقة ــ لوحده بعد أن غادرها اشقاؤه الثلاثة بين مغترب ودارس بمدينة أخرى وثالث قد أكمل نصف دينه :
ــ يا ولد حمدي . . انتا لسة نايم . . الساعة بقت سبعة . . قوم عشان تلحق محاضراتك . .
ينهـض متثاقــلا :
ــ لأ ما تسويهو لي يا (حاجة) . . أنا (اتعشيت) بــره ! !
ــ (عشا) شنو كمان ؟! . . يا ود انتا (حلمان) . . قلتا ليك قوم اصحى . . انا (مركبة) ليكا الموية دي في النار . . اعمل ليك الشاي ده (سادة) ولا بي لبن ؟
ــ مش باب الشارع ده . . خليهو يا (حاجة) انا ح اقفلو . . بس انتي خشي نومي وما تشيلي همو ! !
ــ سجمي !! . . الود ده الليلة ماااا طبيعي . . يا ربي يكون شايلو (حمار نوم) . . كدي النمشي نلبس التوب نلحق بتاع (الخدار) ده من بدري . . قال شنو . . قال باب الشارع قال ! ! !
وفي الأثناء كان حمدي قد ارتدى ملابسه وحمل حقيبته ومعها مصروفه اليومي والذي وضعته له الحاجة بجانب (كباية) الشاي وخرج مسرعا نحو محطة الحافلات ، والتي ولحسن حظه استطاع ان يستقل احداها ، والتي ما ان صعد عليها و جلس في مقعدها الأخير حتى صاح فيه الكمساري مطالبا بالأجرة :
ــ ها ارح يا (اب شنطة) . . الفي (الكورنا) . .
ــ شنو يا (حاجة) . .هي متين صبحت . . خلاص (قمتا) ! !
ــ عليك الله يا (ولدنا) الدنيا صباح وما دايرين معاك مشاكل . . أمور الطلبة دي ما بتنجح معانا هنا يا (أصلي) . . ادينا حقنا وبس . . انتو قايلين الشغل ده ماشي بي (موية) ولا شنو ؟ !
مناولا الأجرة للكمساري :
ــ طيب عليك الله ما تخليها (تغلي) ! ! وخليهو (سادة) يا حاجة . . ومعاهو باقي القروش بتاعتي ! !
مرض جديــد :
بينما كانت حاجة (التومة) تقوم باختيار مكونات (السلطة) وبجانبها جارتها (سعاد) والتي وصلت بعدها لذات الغـرض :
ــ انتي يا (سعاد) ياختي . . مالك الليلة متأخرة كدي . . ماااا من عوايدك . . يومي انتي بتجي هنا قبلي . . وتشتري حاجتك وتمشي . . (نعلو) ما في شي ؟ !
ــ (بري) والله يا يمة . . بس كنت فاتحة (الراديو) وبسمع في النشرة . . انتي ما سمعتي بالمرض الجديد الطالع اليومين ديل ؟ !
ــ لأ والله ! ! . . مرض شنو كمان ؟ ! . . ما كل يوم بقى يظهر مرض جديد . . شي طيور . . وشي خنازير . . وشي ما بعرفو شنو داك ! ! . .
ــ اسكتي ساااي . . قال ليكي ظهر مرض جديد وغريب كده في كم بلد من بلاد (بره) ديل . . من يجي للواحد يخليهو كده . . يخليهو زي التقول . . هسي دي يشرحوها ليكي (كيفن) عاد . . ايواااا يخليهو كده زي الــ (فاطي لقطة) !!
ــ كيفن يعني ؟ . . ما فهمتا منك حاجة ! !
ــ زي ما بقول ليكي كدة . . يعني بيبدا (يجمع) بعد مساااافة . . مثلا لو قعد ليكي في التلفزيون عشان يحضر المسلسل ساااي . . بينطق رقم الحلقة بعد ما (خديجة) تكون وقعت من البلكونة ! ! . . أو كمان (نادية) ديك تكون رجعت مع العفش عديييل ! ! . . وده لو حالتو بقت متأخرة شديد . . كدي فهمتي ؟ ! !
وهنا تذكرت حاجة (التومة) تصرفات ابنها الغريبة هذا الصباح :
ــ وووووب علي . . ده قفل ( باب الشارع ) الليلة الصباح . . لازم الحق البيت اكلم ابوهو ده يطلع يمشي يحصلو قبل ما يعمل ليهو مصيبة ! !
وفي جانب آخر :
طرق (حمدي) باب القاعة والذي وجده مفتوحا على مصراعــه (ضلفة واحدة وكدة!! ) ، والتي امتلأت عن آخرها بحشود من طلاب الدفعة (والدفع التانية كمان) بعد ان ألغيت محاضرة ذلك اليوم بسبب زيارة وفد من (المركز) للكلية المرموقة لبحث مشاكل الطلاب (الخدمية) وسد (احتياجاتهم) في المرحلة المقبلة ، فوجد له مكانا في آخر مقعد في القاعة عند الزاوية ، حينما أمسك رئيس الوفد الزائر بالمايـك :
ــ بسم الله . . والصلاة والسلام على اشرف خلق الله . . أما بعد . . نفتتح باب النقاش مع ابنائنا الطلاب حول مشاكلهم واحتياجاتهم . . والاختيار بيناتكم ح يكون (عشوائي) . .وممكن نبدا مثلا بالطالب اللي وصل متأخر قبل شوية . . ايوة انتا اللي قاعد في الركن هناك . . عرفنا بي نفسك اول حاجة . .
ــ شنو طوااالي كده يا (بن العم) جاري علي (الكورنا) !! . . انتا قايلني ح (آكل) حقك . . ولا كلامك ده كيف يعني ؟ !
ــ لأ انا ما قصدت حاجة يا ابني . . نحنا جينا هنا من الصباح . . عشان نسمع منكم مشاكلكم ونحاول نحلها ليكم في المستقبل (القريب) ان شاء الله . . عشان دي حقوقكم . . وهسي لو عندك اي حاجة بتشتكي منها قولها . . ونحنا الشايفنا قدامك ديل كلنا (آذان صاغية) . .
ــ ياخي انتو (فضلتو) فيها صباح ولا مسا ! ! . . ما اليوم كلو طالعين نازلين (بتلقطوا) في حق الناس ! ! . . والمشاكل دي انتو (براكم) القاعدين تجيبوها لي نفسكم ! ! . . وثم ثانيا كيف يعني الطلبة ما بينجحوا معاك ؟ ! . . يا (زول) اعمل حسابك انا كان (لحقتا) حصلتك هناك ما بيفكونا من بعض الا في (النقطة) ! !
بسرعة قام مجموعة من الطلاب المحيطين بـ(حمدي) بمحاولة سحبه خارج القاعة ، تفاديا لوقوع اشتباك بالايدي ، ولكنه امرهم بتركه ثم انفجر ضاحكا :
ــ بالله هي الموية ذاااتا وينها اللي ح يمشوا بيها (الأشغال) دي . . والله انتا ما عارف حاجة ساكت ! ! . .
خرج حمدي لوحده من القاعة والتي ترك أفرادها في حالة من (الحيرة) والدهشة لتصرفاته الغريبة ، واتجه صوب المكتبة والتي وجد بها (سوسن) الطالبة معه بنفس الكلية _ والتي احبها (والضمير يعود للطالبة!!) و يبدو انها كانت تبادله نفس المشاعر ولكنه كان مترددا ( في انو يطرح وكدة) _ فقد كانت تنتظره بـ(فارغ الصبر) وقد حضرت للجامعة في ذلك اليوم بكامل أناقتها وهي في شوق لمعرفة تفاصيل الموضوع الذي كان قد وعدها في اليوم السابق عن طريق (الجوال) بأنه سيحكي لها عنه (شكلو خلاص بيت النية ) حال وصوله غدا (اليوم) :
ــ صباح الخير (حمووودي) . . شايفاك مبسوط الليلة . . ممكن اعرف السبب بتاع الفرحة دي ؟ . . و كمان الموضوع اللي كنت عايز تكلمني بيهو ؟ . .
ــ أول حاجة أنا اسمي (حمدي) ! ! . . وموضوعك البتتكلم فيهو ده انا ما عارفو . . عشان يادوب جيت هسي . . ممكن تعيد (تاني) لو سمحت ؟!!
في اندهاش :
ــ انتا مش (امبارح) دقيت لي ! ! . . وقلت عندك موضوع مهم عاوز تكلمني بيهو . . انا هسي (دكيت) المحاضرة بتاعتي عدييل . . عشان اجي واسمع موضوعك ده ! ! . .
ــ (طبعن) نحنا بقى عندنا مشاكل كتيرة خلاص . . انا وانت عارفنها كويس . . ومافي داعي نقولها هنا قدام الناس . . وابسط حاجة لو الواحد مثلا داير يعمل اي (نشاط) في البلد دي . . ح تقدر تشاركني فيهو . . اكيد لأ . . وبعد ده كلو كمان بي ياتو (وش) تجي و تقول مستقبل (قريب) ! ! . . والله نحنا (التفاهم) بيناتنا بالطريقة دي بعد ميتين سنة ما ح يتم . . عشان كدة . . و عشان ما أعمل معاك (شوشرة) على الفاضي ساكت . . انا (شايف) انو احسن امشي واسيب ليك باقي الدفعة احتمال (مواضيعهم) هي التنفعـك !!!
كســــــــــــــــــــــــــــــــرة :
أفيدكم علما بأن (حمدي) قد تعافى تماما تماما من ذلك المرض فقد كان اول شخص يقابله بعد ذلك المشهد هو (حاجو) ذااااااااااااتو ! ! !
لكن ما تسألوني عن ( سوسن ) !!!
جميع الحقوق محفوظة proff_khibra 2010
كعادتها صباح كل يوم ، قامت حاجة (التومة) بعد وضعها لـ(بــراد) الشاي على النار بالتوجه صوب غرفة( الأولاد) . . والتي أضحت منذ ما يقارب العام غرفة (حمدي) ــ آخر عنقودها وطالب السنة الأولى بالكلية المرموقة ــ لوحده بعد أن غادرها اشقاؤه الثلاثة بين مغترب ودارس بمدينة أخرى وثالث قد أكمل نصف دينه :
ــ يا ولد حمدي . . انتا لسة نايم . . الساعة بقت سبعة . . قوم عشان تلحق محاضراتك . .
ينهـض متثاقــلا :
ــ لأ ما تسويهو لي يا (حاجة) . . أنا (اتعشيت) بــره ! !
ــ (عشا) شنو كمان ؟! . . يا ود انتا (حلمان) . . قلتا ليك قوم اصحى . . انا (مركبة) ليكا الموية دي في النار . . اعمل ليك الشاي ده (سادة) ولا بي لبن ؟
ــ مش باب الشارع ده . . خليهو يا (حاجة) انا ح اقفلو . . بس انتي خشي نومي وما تشيلي همو ! !
ــ سجمي !! . . الود ده الليلة ماااا طبيعي . . يا ربي يكون شايلو (حمار نوم) . . كدي النمشي نلبس التوب نلحق بتاع (الخدار) ده من بدري . . قال شنو . . قال باب الشارع قال ! ! !
وفي الأثناء كان حمدي قد ارتدى ملابسه وحمل حقيبته ومعها مصروفه اليومي والذي وضعته له الحاجة بجانب (كباية) الشاي وخرج مسرعا نحو محطة الحافلات ، والتي ولحسن حظه استطاع ان يستقل احداها ، والتي ما ان صعد عليها و جلس في مقعدها الأخير حتى صاح فيه الكمساري مطالبا بالأجرة :
ــ ها ارح يا (اب شنطة) . . الفي (الكورنا) . .
ــ شنو يا (حاجة) . .هي متين صبحت . . خلاص (قمتا) ! !
ــ عليك الله يا (ولدنا) الدنيا صباح وما دايرين معاك مشاكل . . أمور الطلبة دي ما بتنجح معانا هنا يا (أصلي) . . ادينا حقنا وبس . . انتو قايلين الشغل ده ماشي بي (موية) ولا شنو ؟ !
مناولا الأجرة للكمساري :
ــ طيب عليك الله ما تخليها (تغلي) ! ! وخليهو (سادة) يا حاجة . . ومعاهو باقي القروش بتاعتي ! !
مرض جديــد :
بينما كانت حاجة (التومة) تقوم باختيار مكونات (السلطة) وبجانبها جارتها (سعاد) والتي وصلت بعدها لذات الغـرض :
ــ انتي يا (سعاد) ياختي . . مالك الليلة متأخرة كدي . . ماااا من عوايدك . . يومي انتي بتجي هنا قبلي . . وتشتري حاجتك وتمشي . . (نعلو) ما في شي ؟ !
ــ (بري) والله يا يمة . . بس كنت فاتحة (الراديو) وبسمع في النشرة . . انتي ما سمعتي بالمرض الجديد الطالع اليومين ديل ؟ !
ــ لأ والله ! ! . . مرض شنو كمان ؟ ! . . ما كل يوم بقى يظهر مرض جديد . . شي طيور . . وشي خنازير . . وشي ما بعرفو شنو داك ! ! . .
ــ اسكتي ساااي . . قال ليكي ظهر مرض جديد وغريب كده في كم بلد من بلاد (بره) ديل . . من يجي للواحد يخليهو كده . . يخليهو زي التقول . . هسي دي يشرحوها ليكي (كيفن) عاد . . ايواااا يخليهو كده زي الــ (فاطي لقطة) !!
ــ كيفن يعني ؟ . . ما فهمتا منك حاجة ! !
ــ زي ما بقول ليكي كدة . . يعني بيبدا (يجمع) بعد مساااافة . . مثلا لو قعد ليكي في التلفزيون عشان يحضر المسلسل ساااي . . بينطق رقم الحلقة بعد ما (خديجة) تكون وقعت من البلكونة ! ! . . أو كمان (نادية) ديك تكون رجعت مع العفش عديييل ! ! . . وده لو حالتو بقت متأخرة شديد . . كدي فهمتي ؟ ! !
وهنا تذكرت حاجة (التومة) تصرفات ابنها الغريبة هذا الصباح :
ــ وووووب علي . . ده قفل ( باب الشارع ) الليلة الصباح . . لازم الحق البيت اكلم ابوهو ده يطلع يمشي يحصلو قبل ما يعمل ليهو مصيبة ! !
وفي جانب آخر :
طرق (حمدي) باب القاعة والذي وجده مفتوحا على مصراعــه (ضلفة واحدة وكدة!! ) ، والتي امتلأت عن آخرها بحشود من طلاب الدفعة (والدفع التانية كمان) بعد ان ألغيت محاضرة ذلك اليوم بسبب زيارة وفد من (المركز) للكلية المرموقة لبحث مشاكل الطلاب (الخدمية) وسد (احتياجاتهم) في المرحلة المقبلة ، فوجد له مكانا في آخر مقعد في القاعة عند الزاوية ، حينما أمسك رئيس الوفد الزائر بالمايـك :
ــ بسم الله . . والصلاة والسلام على اشرف خلق الله . . أما بعد . . نفتتح باب النقاش مع ابنائنا الطلاب حول مشاكلهم واحتياجاتهم . . والاختيار بيناتكم ح يكون (عشوائي) . .وممكن نبدا مثلا بالطالب اللي وصل متأخر قبل شوية . . ايوة انتا اللي قاعد في الركن هناك . . عرفنا بي نفسك اول حاجة . .
ــ شنو طوااالي كده يا (بن العم) جاري علي (الكورنا) !! . . انتا قايلني ح (آكل) حقك . . ولا كلامك ده كيف يعني ؟ !
ــ لأ انا ما قصدت حاجة يا ابني . . نحنا جينا هنا من الصباح . . عشان نسمع منكم مشاكلكم ونحاول نحلها ليكم في المستقبل (القريب) ان شاء الله . . عشان دي حقوقكم . . وهسي لو عندك اي حاجة بتشتكي منها قولها . . ونحنا الشايفنا قدامك ديل كلنا (آذان صاغية) . .
ــ ياخي انتو (فضلتو) فيها صباح ولا مسا ! ! . . ما اليوم كلو طالعين نازلين (بتلقطوا) في حق الناس ! ! . . والمشاكل دي انتو (براكم) القاعدين تجيبوها لي نفسكم ! ! . . وثم ثانيا كيف يعني الطلبة ما بينجحوا معاك ؟ ! . . يا (زول) اعمل حسابك انا كان (لحقتا) حصلتك هناك ما بيفكونا من بعض الا في (النقطة) ! !
بسرعة قام مجموعة من الطلاب المحيطين بـ(حمدي) بمحاولة سحبه خارج القاعة ، تفاديا لوقوع اشتباك بالايدي ، ولكنه امرهم بتركه ثم انفجر ضاحكا :
ــ بالله هي الموية ذاااتا وينها اللي ح يمشوا بيها (الأشغال) دي . . والله انتا ما عارف حاجة ساكت ! ! . .
خرج حمدي لوحده من القاعة والتي ترك أفرادها في حالة من (الحيرة) والدهشة لتصرفاته الغريبة ، واتجه صوب المكتبة والتي وجد بها (سوسن) الطالبة معه بنفس الكلية _ والتي احبها (والضمير يعود للطالبة!!) و يبدو انها كانت تبادله نفس المشاعر ولكنه كان مترددا ( في انو يطرح وكدة) _ فقد كانت تنتظره بـ(فارغ الصبر) وقد حضرت للجامعة في ذلك اليوم بكامل أناقتها وهي في شوق لمعرفة تفاصيل الموضوع الذي كان قد وعدها في اليوم السابق عن طريق (الجوال) بأنه سيحكي لها عنه (شكلو خلاص بيت النية ) حال وصوله غدا (اليوم) :
ــ صباح الخير (حمووودي) . . شايفاك مبسوط الليلة . . ممكن اعرف السبب بتاع الفرحة دي ؟ . . و كمان الموضوع اللي كنت عايز تكلمني بيهو ؟ . .
ــ أول حاجة أنا اسمي (حمدي) ! ! . . وموضوعك البتتكلم فيهو ده انا ما عارفو . . عشان يادوب جيت هسي . . ممكن تعيد (تاني) لو سمحت ؟!!
في اندهاش :
ــ انتا مش (امبارح) دقيت لي ! ! . . وقلت عندك موضوع مهم عاوز تكلمني بيهو . . انا هسي (دكيت) المحاضرة بتاعتي عدييل . . عشان اجي واسمع موضوعك ده ! ! . .
ــ (طبعن) نحنا بقى عندنا مشاكل كتيرة خلاص . . انا وانت عارفنها كويس . . ومافي داعي نقولها هنا قدام الناس . . وابسط حاجة لو الواحد مثلا داير يعمل اي (نشاط) في البلد دي . . ح تقدر تشاركني فيهو . . اكيد لأ . . وبعد ده كلو كمان بي ياتو (وش) تجي و تقول مستقبل (قريب) ! ! . . والله نحنا (التفاهم) بيناتنا بالطريقة دي بعد ميتين سنة ما ح يتم . . عشان كدة . . و عشان ما أعمل معاك (شوشرة) على الفاضي ساكت . . انا (شايف) انو احسن امشي واسيب ليك باقي الدفعة احتمال (مواضيعهم) هي التنفعـك !!!
كســــــــــــــــــــــــــــــــرة :
أفيدكم علما بأن (حمدي) قد تعافى تماما تماما من ذلك المرض فقد كان اول شخص يقابله بعد ذلك المشهد هو (حاجو) ذااااااااااااتو ! ! !
لكن ما تسألوني عن ( سوسن ) !!!
جميع الحقوق محفوظة proff_khibra 2010
proff_khibra- عدد الرسائل : 229
الموقع : البحر الأحمر _ بورتسودان
رقم الدفعه : 11
نقاط : 5867
تاريخ التسجيل : 15/01/2009
رد: مــرض . . حـــــمدي !!
ههههههههههههههههههه ابداع والله
الحمد لله العدوى حقت المرض دا ما أنتقلت لزول تاني ووووووو
انته على كده
شكرا لك يا أخي
الحمد لله العدوى حقت المرض دا ما أنتقلت لزول تاني ووووووو
انته على كده
شكرا لك يا أخي
مهند أزهري- عدد الرسائل : 541
العمر : 36
رقم الدفعه : التاسعة
نقاط : 6180
تاريخ التسجيل : 16/11/2008
رد: مــرض . . حـــــمدي !!
ما قلنا ليك يا مهند ما تسأل عن سوســـن دي . .
هسي كان في داعي يعني ؟ !!!
هسي كان في داعي يعني ؟ !!!
proff_khibra- عدد الرسائل : 229
الموقع : البحر الأحمر _ بورتسودان
رقم الدفعه : 11
نقاط : 5867
تاريخ التسجيل : 15/01/2009
رد: مــرض . . حـــــمدي !!
هههههههههههههههههههههههههههههه
والله ي خبره انت نكته
طبعا ماحاسألك من سوسن نهاااااااااااااائي
بالمناسبه لما قالت ليه ي حمووودي
ذكرتني زول
بثثث منو؟ ماعارفه؟؟؟
يكون منو ي ربي؟؟؟
والله ي خبره انت نكته
طبعا ماحاسألك من سوسن نهاااااااااااااائي
بالمناسبه لما قالت ليه ي حمووودي
ذكرتني زول
بثثث منو؟ ماعارفه؟؟؟
يكون منو ي ربي؟؟؟
رد: مــرض . . حـــــمدي !!
الله اعلم يا سمبله
ويا خبره قلل الدوس شويه
بصراحه ابداااااااااااااااااااااااااااع
ويا خبره قلل الدوس شويه
بصراحه ابداااااااااااااااااااااااااااع
رد: مــرض . . حـــــمدي !!
يا عروة انتا قاصد منو اللي بيتعاطى الـ(كنابينول) ده حمدي ولا زول تاني ؟
ويا سمبلة (لازم تحرجونا يعني ؟) عشان كدة أنا قلتا انو بيقرا في سنة أولى (يرلوم وكدة) يعني يا حمووودي ما تتحسس
اما انتا يا أحمووودي ( ولاحظ للألف دي كوييييس )
فنصيحتك دي على العين والراس
ومشكوووووووووووورين على التعليق كلكم ذووووووووووووق
>>> to be continue
ويا سمبلة (لازم تحرجونا يعني ؟) عشان كدة أنا قلتا انو بيقرا في سنة أولى (يرلوم وكدة) يعني يا حمووودي ما تتحسس
اما انتا يا أحمووودي ( ولاحظ للألف دي كوييييس )
فنصيحتك دي على العين والراس
ومشكوووووووووووورين على التعليق كلكم ذووووووووووووق
>>> to be continue
proff_khibra- عدد الرسائل : 229
الموقع : البحر الأحمر _ بورتسودان
رقم الدفعه : 11
نقاط : 5867
تاريخ التسجيل : 15/01/2009
رد: مــرض . . حـــــمدي !!
والله ابدااااااااااااااااااااااااااااااااااااااااااااااااااااااااع
بس مافي انتي حامدي
انتي حمدي اتمني ان يكون مشروع تخرج ناجح هاههاهااهههههههههههههههههههههههههههههههههههههههه تسلم يابروفسير خبرة جد كيفتني
بس مافي انتي حامدي
انتي حمدي اتمني ان يكون مشروع تخرج ناجح هاههاهااهههههههههههههههههههههههههههههههههههههههه تسلم يابروفسير خبرة جد كيفتني
wad.omer- عدد الرسائل : 127
رقم الدفعه : 12
نقاط : 5578
تاريخ التسجيل : 02/10/2009
رد: مــرض . . حـــــمدي !!
علي الطلاق يا محمد عمر ما فهمتا منك اي حاجة !!!
معليش يعني عشان الليله عطلة وكدة !!
لكن يا زول ما عندك اي مشكلة مشروع تخرج . . تخرج .. وين المشكلة ؟
معليش يعني عشان الليله عطلة وكدة !!
لكن يا زول ما عندك اي مشكلة مشروع تخرج . . تخرج .. وين المشكلة ؟
proff_khibra- عدد الرسائل : 229
الموقع : البحر الأحمر _ بورتسودان
رقم الدفعه : 11
نقاط : 5867
تاريخ التسجيل : 15/01/2009
رد: مــرض . . حـــــمدي !!
(م.........ن ) و (خ............ل) و (مبببببببببدع )
والاولى والتانية ,,,,,, انا ذاتي قلتة كدة
اما التالتة دي ياها ذاتا والله مافيها اي كلام .
والجامعة اكيد ماجامعتنا عشان ماعندنا مشاكل بتتحلا اقصد اصلا ماعندنا مشاكل ,,,
وسوسن لو بقت ساكنة في حتة بعد الكبري المقفول ,,, تبقى مصيبة ,,, ولا كيف ي عبادي؟؟
ابداااااااااااااااااااااااااااااااااااااااااااااع
_____________
ود عمر جاري يلحق العقد بتاع بت الجيران معزووووووووووووووور
والاولى والتانية ,,,,,, انا ذاتي قلتة كدة
اما التالتة دي ياها ذاتا والله مافيها اي كلام .
والجامعة اكيد ماجامعتنا عشان ماعندنا مشاكل بتتحلا اقصد اصلا ماعندنا مشاكل ,,,
وسوسن لو بقت ساكنة في حتة بعد الكبري المقفول ,,, تبقى مصيبة ,,, ولا كيف ي عبادي؟؟
ابداااااااااااااااااااااااااااااااااااااااااااااع
_____________
ود عمر جاري يلحق العقد بتاع بت الجيران معزووووووووووووووور
عدل سابقا من قبل بت صيدلة في 16/1/2010, 01:40 عدل 1 مرات (السبب : اسباب سياسية بحتة)
بت صيدلة- عدد الرسائل : 475
العمر : 36
رقم الدفعه : 9
نقاط : 6130
تاريخ التسجيل : 22/01/2009
رد: مــرض . . حـــــمدي !!
لاالالالاالا
الحق بت صيدله انفتحت
اللهم لاشماته
ولا.....................هناي
عاين ي خبره
وبي نفثثثث الاثثثبع
شنو قلت شنو؟؟؟؟؟؟؟؟؟؟
الحق بت صيدله انفتحت
اللهم لاشماته
ولا.....................هناي
عاين ي خبره
وبي نفثثثث الاثثثبع
شنو قلت شنو؟؟؟؟؟؟؟؟؟؟
رد: مــرض . . حـــــمدي !!
ي اختنا انتي يا الفي الكورنا ,,, اي انتي ذاتك ,, البص بص سيرة هاك باقي قروشك وانزلي .
الكلام ليك ي ثمبلة
الكلام ليك ي ثمبلة
عدل سابقا من قبل بت صيدلة في 22/1/2010, 04:13 عدل 1 مرات
بت صيدلة- عدد الرسائل : 475
العمر : 36
رقم الدفعه : 9
نقاط : 6130
تاريخ التسجيل : 22/01/2009
رد: مــرض . . حـــــمدي !!
هههههههههههههههههههههههههههههههههههه
والله ي اللو حسستيني بي احساس الزول البقول ليك انو بحس بانك...................................(والباقي مااتغير)
وكان ماكنت عارفه اني اناال..........
عموما
nOoOoOo comment
والله ي اللو حسستيني بي احساس الزول البقول ليك انو بحس بانك...................................(والباقي مااتغير)
وكان ماكنت عارفه اني اناال..........
عموما
nOoOoOo comment
رد: مــرض . . حـــــمدي !!
(م.........ن ) و (خ............ل) و (هـ ............ش) !!
التالتة دي نسيتيها ليه !!
ولا عشان ما اتقالت في الكواليس !!
وسوسن دي لو كانت ساكنة ورا الكبري المقفول كان ح يكون (عااااااااادي) !!!
_____________
ود عمر اشتغلت (مأذون) ولا مشيت ..... في الليلة دييييييييك !!!
ويا ثمبلة تقولي شنو بثثثثثث !!!
ولا تاخدي في بالك (طبعن) ديل
(المعجــــــبين) ودوشتهم !!!
ويا آلاء بذكرك بي (هـ...........ش) دي للمرة التانية !!!!
التالتة دي نسيتيها ليه !!
ولا عشان ما اتقالت في الكواليس !!
وسوسن دي لو كانت ساكنة ورا الكبري المقفول كان ح يكون (عااااااااادي) !!!
_____________
ود عمر اشتغلت (مأذون) ولا مشيت ..... في الليلة دييييييييك !!!
ويا ثمبلة تقولي شنو بثثثثثث !!!
ولا تاخدي في بالك (طبعن) ديل
(المعجــــــبين) ودوشتهم !!!
ويا آلاء بذكرك بي (هـ...........ش) دي للمرة التانية !!!!
proff_khibra- عدد الرسائل : 229
الموقع : البحر الأحمر _ بورتسودان
رقم الدفعه : 11
نقاط : 5867
تاريخ التسجيل : 15/01/2009
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
20/1/2013, 07:58 من طرف محمد كريم
» sudan index
8/12/2012, 00:27 من طرف zetaworld
» من أفضل الكتب التي قرأتها في حياتي
6/12/2012, 20:27 من طرف محمد المصطفى
» برنامج للإعداد للبورد الامريكي في تخصص الاورام
30/11/2012, 09:17 من طرف ronarona
» برنامج للإعداد للبورد الامريكي
29/11/2012, 10:14 من طرف ronarona
» انك صيدلاااااني ...
18/5/2012, 17:20 من طرف Nezo
» سلااااااااااااام
16/5/2012, 19:33 من طرف Nezo
» BNF 61 . . download
12/5/2012, 04:16 من طرف basma
» أخيراً..أول موقع وجدته لكتب الصيدلة فقط-ليس أي كتب أخرى- مجانا حمل أكتر من400 كتاب
29/4/2012, 05:23 من طرف Mohamed kamal