•°•°•الهلال يودع مرفوع الرأس•°•°•

اجل ودع الهلال بطوله ابطال افريقا في العتبه قبل الاخيره ولكن....
لكنه ودع وهو مرفوع الرأس بعد ان جندل مازيمبي الكنغولي في ارضه ووسط جمهوره رغم وقوف الحظ مع الفريق المضيف في اكثر من عشر سوانح كانت كفيله بانها اللقاء بنتيجه تاريخيه في شباك مازيمبي.....

جديه
تعمل باحترافيه
روح قتاليه عاليه
عدم يأس
اصرار واضح علي رد الاعتبار
احترام للخصم

كلها معاني شاهدناها من نجوم الهلال خلال المقابله مع مازيمبي


وهذا هو الفرق بيننا وبين الاخرين


والله بعد مشاهدتي لمباراه البارحه تيقنت تماما ان ما حدث للهلال هنا في امدرمان كان غير طبيعي بالمره



سيد البلد يرد الاعتبار


الشي الوحيد الذي نعيبه علي نجوم الهلال هو عدم استغلال الفرص السهله والمتاحه امام مرمي الحارس كديابا


عظيم انت يا هلال حتي وانت خسران بخمسه تدخل الرعب في نفوس خصومك طبعا اولهم الكنغولي والتاني عارفينو طبعا

امبارح كان في كميه بتاعت رجف خرافيه من الفئه البسيطه المغلوبه علي امرها في السودان
اتحدث طبعا عن المريخاب

الهلال الان سيتفرغ للمتاز لحسم ما تبقي من مواجهات بما فيها مباراه الوصيف يوم تلاتين
مباراه السلخ
مباره كشف الفارق بين ثالث بطوله ابطال افريقيا وطيش مجموعتيها

ارجو الراجياكم يا وصيفاب
يوم تلاتين سلخ بدون سكين

انسترو بس



ملحوظه:
أرفع رأسك انت هلالابي

انت عارف ياود الامين الهلال دة من يومو رافع راسو.لاكن الحصل اماربح كان عجيب كان اقل حاجه 7 اهداف زى اصحابك وال7 جاية فى طريقها الى القلعة الحمراء .انا حضرت الشول الاول فى البيت والتانى فى الصيدلية المريخابى القاعد جنبى بخفض فى صوت الرادى كل ماجات هجمة شوف عليك الله

طبعا قالو الشيخ ابو حمامة وابوكدايس ماشاف شغلو.نحناعندنا شيخ اسمو شيخ ابو تلاتة.فى المبارة الجاية حانعمل ليهو ترقية حانسميهو شيخ ابو سبعة

ارفع راسك انت هلالابي]: :flower

برد جوفنا... بطنا بقت بااااااااااردة مبسوطييييييييين ... المريخاب قالوا نصهم اضرب عن الطعام...والنص التاني نصوا في الاميرجنسي روم في التجاني الماحي... والنص التاني من النص الاول برضوا انقسم نصين : نص قفل الموبايل .. ونص قفل الباب عليهو حتي ماقادر يقابل ناس البيت....البعض يقال انه امس ولاول مرة يضرب الكنابينول عشان ينسي.. ياخي اسال مجرب.. والله مابنسيكم الحصل... وانا جاي من الصيدلية قبضت تلاتة في كبري شمبات ... ياشباب مالكم.. الاخوة مريخاب ولا شنو.. فجاة كدة واحد منهم بقول ليهم: ياجماعة احسن نتلب.. الناس ديل مصيرم يعملوها فينا.. بعد تعب اقنعتهم.. قلت ليهم ياجماعة انتظروا لحدي نهائي الممتاز احتمال ربنا يفرجا عليكم ونتغلب عشان خاطر عيون امهاتكم...
ماتخافوا......
انه الشلال...الهلال...قااااااااادم

مبرووك لفوزكم علي الرغم من أنه كان يمكنكم تحويلها لنصر تاريخي .. لكن هو القدر وخيرها في غيرها .. ويامهند شكلك اليوم داك كنت ضارب كنابينول وعايش الجو ..

والله كان بالامكان افضل مما كان

ولكن المجنونه قالت لا