عتاب كبير للسناير

السلام عليكم،انامروه من الفرقه الاولى،بعد التحيه عندي عتاب كبير لي اخواتنا السناير وعايزه رأي ناس المنتدى،،،الحكايه بدت يوم الزياره النظمتها جمعية افراح افراح للمايقوما،ونحنا البرالمه جينا الفتيحاب عشان نتحرك من هناك لكن في فترة وجودنا هناك إتفاجأنا من معاملة السناير(البنات)لينا...بحيث إنهم إتعمدوا يسمعونا كلام جارح،منه((عاينو البرالمه شفع سنه اولى)) وبعضهم إتمادى و وصفنا بي التخلف وقالوا في وشنا((والله برالمتنا ديل متخلفين تخلف)) والاكتر من كده إنهم قالوا((معقول ديل بقروا صيدله مالهم شينات كده)) والكتير من الكلام المابصح من ناس جمعتهم كليه واحده وجامعه واحده..اكيد كل السناير ماكده وفي سناير بشيلو البرالمه فوق راسهم،و اناعبر المنتدى بقول لي اخواتنا الكلام ده ماصاح منكم نحنا كلنا بننتمي لي جامعه وحده،وكلكم كنتو برالمه مافي زول دخل سنير..اما التخلف فنحنا الحمدلله عقلنا سوي،اما موضوع إننا(شينين) ربنا قال(لقد خلقنا الإنسان في احسن تقويم) وماف زول دخل صيدله عشان شكله لانو الاشكال عمرها ماكانت شرط اومقياس لنجاح الإنسان ومافي زول إختار شكله بنفسه.....اخر حاجه نحنا ما بنلزمكم تصاحبونا او تتعاملو معانا لكن ابسط حاجه لما نتقابل يكون بيناتنا إحترام متبادل والدين هو المعامله ونحنا بندرس في جامعه إسلاميه لازم نطبق ابسط قيمها،والناس البتستهزؤا بيهم ديل يمكن يجي يوم يبقوا احسن منكم،،واخر حاجه كمان بشكر اخوانا السناير على حسن التعامل وإحترامهم لينا ولي برالمتهم وبقول لكل الجمعيات ماف داعي للشغل الجماعي لوالناس مابتحترم بعض وانا كتبته الموضوع ده لانو جايانا المعارض ولازم نعكس صوره مشرقه لي كليتنا و الاهم من كده إنها تكون صوره حقيقيه... مع خالص إحترامي وتقديري.[b]

مروة يامروة انا مامشيت المايقوما لاني كنت بره الجامعه ومشغوله مع بحث التخرج. زي ما انتي قلتي اكييييد ماكل الناس زي بعض .ورغم اني متاكده اني مازعلتك في حاجه بس ياريت لوتتقبلي اعتذاري نيابه عن كل السناير . والله لو كتبت اسمك كامل وعرفتك انتي منو اجيك اعتذر ليك لحدي عندك.
ولكم العتبي حتي ترضوا.


اختك الكبيره

دكتورة مروة ما تزعلي اكيد ما مقصود الاساءة بقدر ما مقصود المداعبة.

أولا السلام عليك
بعد التحيه..
والله يا برلومه مروه كانت لفته جميله وفي نفس ذات الوقت بارعه منكم (البرلومات) كون انكم جيتو دار المايقوما بهذا العدد وانتو لسه في السنه الـأولى والأجمل انكم اجرتو حافله مخصوص عشان تجيبكم من الثوره .(شكلكم حتأثروا في الجامعه وتعملو حاجات جديده)
أما بالنسبه للسنيرات البنات وخصوصا بنات تانيه فهن غايرات منكن لانو السنه الفاتت المشو منهن يتعدو بالاصابع فأعذريهن
وبالنسبه للشنه معليش يادكتوره عندهم حق في دي (والحق يقال)
وذي ماقلتي ماكل السنيرات كده
أخيرا ماتشيلي حاجه في قلبك وما تزعلي لأنك اذا سمعتي كلام الناس حتجني

تقبلي مروري

مشكورين يادكاتره على المرور،بس لاحظته الاعتزار لي انا وعايزه اوضح إنو الموضوع ماشخصي وهو إتكتب نيابة عن كل البرالمه إعتزاركم مقبول وياريت نبدأ بدايه جديده..d.sombolaانا إسمي بالكامل (مروه إبراهيم عبدالقادر)لكن ماعشان تعتزري بس عشان نتعارف :D مشكورين مره تانيه :D

د.مروة ابراهيم مرحب بيك مره تانيه (واكيد لازم اتعرف بيك زي ماعملت مع كل بنات المنتدي((اخواتي واخواتك طبعا))) ولو مشاركه في اي معرض وريني عشان ابقي الاقيك واسلم عليك (انا في الceutics ) .

وزي ماقلت ليك اتقبلي اعتذاري نيابة عن كل السناير ( ولي كل البرالمة )




اختك الكبيره

:affraid: الكلام دة والله ماصاح :affraid:
:cheers: والحمد لله ماكل السنايرة كدة :cheers:

مروة اذا خاطبك الجاهلو ن فقولي سلاما
واسمعيني بالنسبة للشنة والعوارة دي والله في سناير ما يدوك الدرب
من اشتغل بكلام الناس بات هما وواثق الخطا يمشي ملكا

احييك على الموضوع السخن ده

احلى سلام لي اعضاء المنتدى,شكرا" على المرور والنصائح الغاليه تسلموا......

[((معقول ديل بقروا صيدله مالهم شينات كده))ههههه بالله قالو كدا؟ والله البنات السمحات في الاسلاميه زمان كانو بتعدو في الاصابع بس اسي ماعارف الوضع كيف لانو ما شفناكم يعني هم شينين برضوا ماتشيلي هم يا مروه وباقي البرالمه, هو انتو برالمة طارق بشير واحمد امين ودفعتم من البنات يعني اكيد كان ما افهم منهم بتكونو زيهم لووووولز

أدين بشده هذه التصرفات التي تخلو من الذوق وإحترام مشاعر الغير .. فكلنا مررنا بهذه المرحلة .. أما عن مسألة التخلف هذه فأعتقد أن من قالتها إنما تعاني من نقص في شخصيتها (يمكن في زول كرهها بكلمة متخلفة مما سبب ليها عقدة) .. وحكاية شينة دي تدل علي نقصان في العقل فالإنسان لم يخلق نفسه فهذه مشيئة الله وتقديرة .. وكما قال الأصدقاء ليس كل السناير هكذا ولكي العتبي حتي ترضي ..

أدين بشده هذه التصرفات التي تخلو من الذوق وإحترام مشاعر الغير .. فكلنا مررنا بهذه المرحلة .. أما عن مسألة التخلف هذه فأعتقد أن من قالتها إنما تعاني من نقص في شخصيتها (يمكن في زول كرهها بكلمة متخلفة مما سبب ليها عقدة) .. وحكاية شينة دي تدل علي نقصان في العقل فالإنسان لم يخلق نفسه فهذه مشيئة الله وتقديرة .. وكما قال الأصدقاء ليس كل السناير هكذا ولكي العتبي حتي ترضي ..

بختصر الكلام في وصف بنات صيدلة الاسلامية معقداااااااااااااااااااااااااااااااااااااات نفسيا" و,,,,,,,,,,,,,,,,,,,,,,,,,,,,,,,,,,,,,,,,,,,,,

كلامك صح يا سمبلة و انا في رأي بنات الاسلامية فاهمات بمعنى انو الواحدة بتعرف تتعامل كويس مع اي موقف يمر بيها