بحـث
المواضيع الأخيرة
أفضل 10 أعضاء في هذا المنتدى
Orwa Abdelmonim | ||||
ahmed amin | ||||
d.sombola | ||||
Dr. Areeg magzoub | ||||
alfatih hamad | ||||
mahdi abdalazim | ||||
bob | ||||
Mankaka | ||||
مهند أزهري | ||||
القيصر |
حبوبات 2099
+6
Dr. Areeg magzoub
بت صيدلة
القيصر
Orwa Abdelmonim
khaldona
alfatih hamad
10 مشترك
صفحة 1 من اصل 1
حبوبات 2099
في ذلك الزمن سيتغير كل شيء ... ستبلغ حبوباتنا درجة عالية من التشرب بمعطيات التكنولوجيا .. فهيا لندخل في عالم حبوبات الألفية الرابعة
قالت حبوبة (رؤية) مخاطبة حاجة "شاهيناز" التي كانت منهمكة في فرك البامية المحورة جينياً
- والله يا شاهيناز أنا ما عارفاك بتفركي كيف بي (مفراكة الليزر) دي الناس بقو يفركو بي (المفراكة الكهرومغناطيسية ..
ردت عليها حبوبة (رؤية) وهي تطفئ البوتجاز الذي يعمل بنظرية الأوتار الفائقة
- نسوي شنو يا بت أمي نحنا لسه ما دخلنا في عصر الصرخة العلمية لكن أسكتي ساي ما وريتك
أمس حاجة هيام بت هيثم ود لؤي عملت شنو؟! ..
نططت حاجة شاهيناز عيونها تهيؤاً لاستقبال الشمار وقالت:
- مالا ؟! .. أنا عارفاها دي زولة عندها (ضلالات عدمية) تلقاها سوت ليها
عملة كبيرة!!
أجابتها حبوبة رؤية:
- أمس مشيت ليها البيت كنت دايرة لي (ثالث كرومات السايكوبالتيك) عشان ألون الخبيز .. لقيتا ليكي ماسكة (اللاب توب) بتاعا وعاملة (شات) مع واحد عجوز من (هضبة التبت) .. تصوري المرا الما بتخجل دي! ..
ومواصلة لهذه (القطيعة الإلكترونية) قالت حاجة شاهيناز :
أنا زاتي المره دي (كجنتها) من ما سوت لينا القهوة في الجبنة الصانعنها من (معدن التيتانوم) ، يعني ما سمعت بي (جبنة الألياف الضوئية
أضافت حاجة رؤية في استهجان:
والله صحي (الماوس ما بزيل بلم) .. العالم بتقدم وديل لسع في التخلف لكن إنتي أمس مالك ما مشيتي معانا لي الاحتفال بالذكرى السنوية لـ (جولدن جلاشو) عالم الفيزياء المشهور
أجابتها حاجة شاهيناز:
أمس بعيد عنك مشيت أفحص (الجينات) بتاعتي .. أصلو عندي (جين) كده مغلبني قلت أقلعو أرتاح منو مرة واحدة .. وبالمرة غشيت الصائغ غيرت غوايشي بي معدن نفيس جديد إسمو (الزرانكلينيوم) جابوه من كوكب ما متذكراهو لكن بدور حول نجم اسمو (لالاند) مننا زي تمانية سنة ضوئية.!
هزت حبوبة رؤية رأسها وقالت :
والله بقيتي خطيرة عديييل .. غوايش البتاع القلتيهو ده أنا زاتي ما سمعت بيها .. كدي وريني واحدة
قالت لها حبوبة رؤية :
ديل يا اختى للمناسبات بس ما بطلعو بيهن ساي ثم رفعت حاجبها الأيسر باندهاش مفتعل وأضافت
وبعدين إنت الظاهر عليكي برضو ما سمعتي بي شنطة اليد الجديدة العاملنها من (رقائق السيلكون)
سحبت حاجة شاهيناز نفساً عميقاً وهي تجهز عبارات مناسبة لترد بها هذه الهجمة الشرسة لترد لها البوبار بمثله ثم قالت:
حاجاتك القلتيها دي أنا صاح ما مرت علي .. لكن إنتي برضو ما سمعتي بي الكفتيرات الجديدة البتعمل بي (موجات ألفا) و لا بـ (الكمشة الاستقطابية) .. ودي كمشة بتغرف الملاح براها وبتكبو في الصحن ..
وعندك كمان (الحلة الفوتونية) ودي بتنجض الملاح بـ (الطاقة القمرية) ...
وفي هذه اللحظة دخل عليهن (حاج رامي) زوج حبوبة رؤية وهو في الثمانينات .. وتوقف موارباً للباب ليتصنت على هذا (البوباريشن) المعتق ، سمع حاجة شاهيناز تواصل حديثها لزوجته حبوبة رؤية وهي تقول: وبعدين أنا ولدي المغترب في (كوكب نبتون) جاب ليهو (ولد آلي) صغيروني يساعد مرتو في تقطيع السلطة وغسيل العـدة .. وفي هذه اللحظة دخل حاج رامي وقال:
قومن يا نسوان سون لينا الغدا وخلن (الفشخرة) الفاضية دي .. وأضاف في سره بغضب وان شاء الله تقوم بيكن قنبلة (بوزوترونية)
تريحنا من نقتكن الكتيرة دي
alfatih hamad- الادارة
- عدد الرسائل : 787
رقم الدفعه : 9
نقاط : 5977
تاريخ التسجيل : 28/10/2008
رد: حبوبات 2099
shut shut والله .مقلق من الونسه وكلماتها الكبار كبااااااااااار (لو انا من الزمن داك ماكنت حأفهم حاجه )
واصل عليك الله وأدعمنا بالحاجات الزي دي
thaaaaaaaaaaaaaaaanks
واصل عليك الله وأدعمنا بالحاجات الزي دي
thaaaaaaaaaaaaaaaanks
khaldona- عدد الرسائل : 257
رقم الدفعه : 11
نقاط : 5817
تاريخ التسجيل : 26/11/2008
رد: حبوبات 2099
هاهاهاهاهاهاهاها .. صعبتها عدييييل يا د.الفاتح والله مباااااالغة .. تستحق عشرة علي عشرة .. منتظرين تعمل جزء تاني .. ودمتم في حفظ الله ...
رد: حبوبات 2099
مبالغة يا الفاتح انت قاعد تجيب الكلام ده من وين
القيصر- عدد الرسائل : 531
العمر : 36
الموقع : جنبك
رقم الدفعه : 9
نقاط : 6153
تاريخ التسجيل : 11/03/2009
رد: حبوبات 2099
Orwa Abdelmonim كتب:هاهاهاهاهاهاهاها .. صعبتها عدييييل يا د.الفاتح والله مباااااالغة .. تستحق عشرة علي عشرة .. منتظرين تعمل جزء تاني .. ودمتم في حفظ الله ...
بت صيدلة- عدد الرسائل : 475
العمر : 36
رقم الدفعه : 9
نقاط : 6128
تاريخ التسجيل : 22/01/2009
رد: حبوبات 2099
بت صيدلة كتب:Orwa Abdelmonim كتب:هاهاهاهاهاهاهاها .. صعبتها عدييييل يا د.الفاتح والله مباااااالغة .. تستحق عشرة علي عشرة .. منتظرين تعمل جزء تاني .. ودمتم في حفظ الله ...
هههههههههههههه ابدعته
رد: حبوبات 2099
هههههههههههه
مشكورين على المرور يا شباب انتظرو المزيد
مشكورين على المرور يا شباب انتظرو المزيد
alfatih hamad- الادارة
- عدد الرسائل : 787
رقم الدفعه : 9
نقاط : 5977
تاريخ التسجيل : 28/10/2008
رد: حبوبات 2099
mahdi abdalazim كتب:
ابداااااااااااااااااااع يا تحتح
ابداع
ابداع
ابداااااااااااااااااااااااااااااااااااااااااااااااااااااااااااااااااااااااااااااع
تسلم
واستمر
منتظرنك
رد: حبوبات 2099
أريتها حبوبتي... كان ذي المواعيد ده تحجينا بالملتميديا..
T2 و ت2- عدد الرسائل : 399
رقم الدفعه : 9
نقاط : 5776
تاريخ التسجيل : 28/11/2008
رد: حبوبات 2099
مشكووووووووووور د.الفاتح
فرقتا علينا انا والمعاي بالموضوع الجامد ده
:D :D :D
فرقتا علينا انا والمعاي بالموضوع الجامد ده
:D :D :D
عزام- عدد الرسائل : 291
الموقع : anywhere anytime
رقم الدفعه : 12
نقاط : 6031
تاريخ التسجيل : 25/12/2008
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
20/1/2013, 07:58 من طرف محمد كريم
» sudan index
8/12/2012, 00:27 من طرف zetaworld
» من أفضل الكتب التي قرأتها في حياتي
6/12/2012, 20:27 من طرف محمد المصطفى
» برنامج للإعداد للبورد الامريكي في تخصص الاورام
30/11/2012, 09:17 من طرف ronarona
» برنامج للإعداد للبورد الامريكي
29/11/2012, 10:14 من طرف ronarona
» انك صيدلاااااني ...
18/5/2012, 17:20 من طرف Nezo
» سلااااااااااااام
16/5/2012, 19:33 من طرف Nezo
» BNF 61 . . download
12/5/2012, 04:16 من طرف basma
» أخيراً..أول موقع وجدته لكتب الصيدلة فقط-ليس أي كتب أخرى- مجانا حمل أكتر من400 كتاب
29/4/2012, 05:23 من طرف Mohamed kamal