بحـث
المواضيع الأخيرة
أفضل 10 أعضاء في هذا المنتدى
Orwa Abdelmonim | ||||
ahmed amin | ||||
d.sombola | ||||
Dr. Areeg magzoub | ||||
alfatih hamad | ||||
mahdi abdalazim | ||||
bob | ||||
Mankaka | ||||
مهند أزهري | ||||
القيصر |
هيا لندخل في عالم حبوبات الألفية الرابعة
+2
عدنان عبدالله
ahmed amin
6 مشترك
صفحة 1 من اصل 1
هيا لندخل في عالم حبوبات الألفية الرابعة
في ذلك الزمن سيتغير كل شيء ... ستبلغ حبوباتنا درجة عالية من التشرب بمعطيات التكنولوجيا .. فهيا لندخل في عالم حبوبات الألفية الرابعة
قالت حبوبة (رؤية) مخاطبة حاجة "شاهيناز" التي كانت منهمكة في فرك البامية المحورة جينياً
- والله يا شاهيناز أنا ما عارفاك بتفركي كيف بي (مفراكة الليزر) دي الناس بقو يفركو بي (المفراكة الكهرومغناطيسية ..
ردت عليها حبوبة (رؤية) وهي تطفئ البوتجاز الذي يعمل بنظرية الأوتار الفائقة
- نسوي شنو يا بت أمي نحنا لسه ما دخلنا في عصر الصرخة العلمية لكن أسكتي ساي ما وريتك
أمس حاجة هيام بت هيثم ود لؤي عملت شنو؟! ..
نططت حاجة شاهيناز عيونها تهيؤاً لاستقبال الشمار وقالت:
- مالا ؟! .. أنا عارفاها دي زولة عندها (ضلالات عدمية) تلقاها سوت ليها عملة كبيرة!!
أجابتها حبوبة رؤية:
- أمس مشيت ليها البيت كنت دايرة لي (ثالث كرومات السايكوبالتيك) عشان ألون الخبيز .. لقيتا ليكي ماسكة (اللاب توب) بتاعا وعاملة (شات) مع واحد عجوز من (هضبة التبت) .. تصوري المرا الما بتخجل دي! ..
ومواصلة لهذه (القطيعة الإلكترونية) قالت حاجة شاهيناز:
أنا زاتي المره دي (كجنتها) من ما سوت لينا القهوة في الجبنة الصانعنها من (معدن التيتانوم) ، يعني ما سمعت بي (جبنة الألياف الضوئية
أضافت حاجة رؤية في استهجان:
< F ONT face="Times New Roman">والله صحي (الماوس ما بزيل بلم) .. العالم بتقدم وديل لسع في التخلف لكن إنتي أمس مالك ما مشيتي معانا لي الاحتفال بالذكرى السنوية لـ (جولدن جلاشو) عالم الفيزياء المشهور
أجابتها حاجة شاهيناز:
أمس بعيد عنك مشيت أفحص (الجينات) بتاعتي .. أصلو عندي (جين) كده مغلبني قلت أقلعو أرتاح منو مرة واحدة .. وبالمرة غشيت الصائغ غيرت غوايشي بي معدن نفيس جديد إسمو (الزرانكلينيوم) جابوه من كوكب ما متذكراهو لكن بدور حول نجم اسمو (لالاند) مننا زي تمانية سنة ضوئية.!
هزت حبوبة رؤية رأسها وقالت:
والله بقيتي خطيرة عديييل .. غوايش البتاع القلتيهو ده أنا زاتي ما سمعت بيها .. كدي وريني واحدة
قالت لها حبوبة رؤية:
ديل يا اختى للمناسبات بس ما بطلعو بيهن ساي ثم رفعت حاجبها الأيسر باندهاش مفتعل وأضافت
وبعدين إنت الظاهر عليكي برضو ما سمعتي بي شنطة اليد الجديدة العاملنها من (رقائق السيلكون)
سحبت حاجة شاهيناز نفساً عميقاً وهي تجهز عبارات مناسبة لترد بها هذه الهجمة الشرسة لترد لها البوبار بمثله ثم قالت:
حاجاتك القلتيها دي أنا صاح ما مرت علي .. لكن إنتي برضو ما سمعتي بي الكفتيرات الجديدة البتعمل بي (موجات ألفا) و لا بـ (الكمشة الاستقطابية) .. ودي كمشة بتغرف الملاح براها وبتكبو في الصحن ..
وعندك كمان (الحلة الفوتونية) ودي بتنجض الملاح بـ (الطاقة القمرية.....)
وفي هذه اللحظة دخل عليهن (حاج رامي) زوج حبوبة رؤية وهو في الثمانينات .. وتوقف موارباً للباب ليتصنت على هذا (البوباريشن) المعتق، سمع حاجة شاهيناز تواصل حديثها لزوجته حبوبة رؤية وهي تقول: وبعدين أنا ولدي المغترب في (كوكب نبتون) جاب ليهو (ولد آلي) صغيروني يساعد مرتو في تقطيع السلطة وغسيل العـدة .. وفي هذه اللحظة دخل حاج رامي وقال:
قومن يا نسوان سون لينا الغدا وخلن (الفشخرة) الفاضية دي .. وأضاف في سره بغضب وان شاء الله تقوم بيكن قنبلة (بوزوترونية)
تريحنا من نقتكن الكتيرة دي
رد: هيا لندخل في عالم حبوبات الألفية الرابعة
حبوبة شاهناز دي مبالغة قالت اسم السبيكة العملوا منها الغويشات
والله حكاية الكمشة دي خطيرة ماتجي يوم تغرفنا في غفلة
والله حكاية الكمشة دي خطيرة ماتجي يوم تغرفنا في غفلة
عدنان عبدالله- عدد الرسائل : 163
العمر : 35
الموقع : بحري
رقم الدفعه : التاسعة
نقاط : 5766
تاريخ التسجيل : 03/12/2008
رد: هيا لندخل في عالم حبوبات الألفية الرابعة
يا احمودي .. يعني الا نعلق براءة الاختراع ولا شنو؟؟
كدي خش هنا..
https://oiupharmacy.yoo7.com/montada-f11/topic-t1115.htm?sid=5c68446b51d3ff205c4d9cbe9c0b19bc
كدي خش هنا..
https://oiupharmacy.yoo7.com/montada-f11/topic-t1115.htm?sid=5c68446b51d3ff205c4d9cbe9c0b19bc
alfatih hamad- الادارة
- عدد الرسائل : 787
رقم الدفعه : 9
نقاط : 5949
تاريخ التسجيل : 28/10/2008
رد: هيا لندخل في عالم حبوبات الألفية الرابعة
والله يا تحتح انا لم يسبق لي الاطلاع علي موضوعك وما كنت عارفك نزلتو
ولو عارفو اكيد ما كنت حنزلو
عموما مشكور ع المرور
ولو عارفو اكيد ما كنت حنزلو
عموما مشكور ع المرور
رد: هيا لندخل في عالم حبوبات الألفية الرابعة
ahmed amin كتب:والله يا تحتح انا لم يسبق لي الاطلاع علي موضوعك وما كنت عارفك نزلتو
ولو عارفو اكيد ما كنت حنزلو
عموما مشكور ع المرور
انت زعلان وبتبرر لي ليه ؟
ماتشتغل بيه كتير
حلوه ي احمودي
مشكوووووووور كتير
رد: هيا لندخل في عالم حبوبات الألفية الرابعة
تسلمي يا سمبله
انا ما ببرر بس عشان اثبت ليه انو انا ما سارق موضوعو
مشكوره علي المرور يا .............
انا ما ببرر بس عشان اثبت ليه انو انا ما سارق موضوعو
مشكوره علي المرور يا .............
رد: هيا لندخل في عالم حبوبات الألفية الرابعة
والله ابداع يادكتور دايرين حاجات زى دى
القرصان- عدد الرسائل : 35
الموقع : اى مكان
رقم الدفعه : 9
نقاط : 5425
تاريخ التسجيل : 29/07/2009
رد: هيا لندخل في عالم حبوبات الألفية الرابعة
عادي ولا يهمك يا احمودي.. برضو التجديد كويس..
لكن المحيرني الناس البتكسر تلج!!
ولاشنو يا طرابيز
مشكور على المساهمة..
لكن المحيرني الناس البتكسر تلج!!
ولاشنو يا طرابيز
مشكور على المساهمة..
alfatih hamad- الادارة
- عدد الرسائل : 787
رقم الدفعه : 9
نقاط : 5949
تاريخ التسجيل : 28/10/2008
رد: هيا لندخل في عالم حبوبات الألفية الرابعة
القرصان كتب:والله ابداع يادكتور دايرين حاجات زى دى
dr.marwa- عدد الرسائل : 60
رقم الدفعه : 12
نقاط : 5587
تاريخ التسجيل : 11/03/2009
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
20/1/2013, 07:58 من طرف محمد كريم
» sudan index
8/12/2012, 00:27 من طرف zetaworld
» من أفضل الكتب التي قرأتها في حياتي
6/12/2012, 20:27 من طرف محمد المصطفى
» برنامج للإعداد للبورد الامريكي في تخصص الاورام
30/11/2012, 09:17 من طرف ronarona
» برنامج للإعداد للبورد الامريكي
29/11/2012, 10:14 من طرف ronarona
» انك صيدلاااااني ...
18/5/2012, 17:20 من طرف Nezo
» سلااااااااااااام
16/5/2012, 19:33 من طرف Nezo
» BNF 61 . . download
12/5/2012, 04:16 من طرف basma
» أخيراً..أول موقع وجدته لكتب الصيدلة فقط-ليس أي كتب أخرى- مجانا حمل أكتر من400 كتاب
29/4/2012, 05:23 من طرف Mohamed kamal