شباب صيدله الاسلاميه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
بحـث
 
 

نتائج البحث
 


Rechercher بحث متقدم

المواضيع الأخيرة
» اقرأ هذا الدعاء لو لمرة واحدة في حياتك]
التكاسه سبب الانتكاسه Empty20/1/2013, 07:58 من طرف محمد كريم

» sudan index
التكاسه سبب الانتكاسه Empty8/12/2012, 00:27 من طرف zetaworld

» من أفضل الكتب التي قرأتها في حياتي
التكاسه سبب الانتكاسه Empty6/12/2012, 20:27 من طرف محمد المصطفى

» برنامج للإعداد للبورد الامريكي في تخصص الاورام
التكاسه سبب الانتكاسه Empty30/11/2012, 09:17 من طرف ronarona

» برنامج للإعداد للبورد الامريكي
التكاسه سبب الانتكاسه Empty29/11/2012, 10:14 من طرف ronarona

» انك صيدلاااااني ...
التكاسه سبب الانتكاسه Empty18/5/2012, 17:20 من طرف Nezo

» سلااااااااااااام
التكاسه سبب الانتكاسه Empty16/5/2012, 19:33 من طرف Nezo

» BNF 61 . . download
التكاسه سبب الانتكاسه Empty12/5/2012, 04:16 من طرف basma

» أخيراً..أول موقع وجدته لكتب الصيدلة فقط-ليس أي كتب أخرى- مجانا حمل أكتر من400 كتاب
التكاسه سبب الانتكاسه Empty29/4/2012, 05:23 من طرف Mohamed kamal


التكاسه سبب الانتكاسه

5 مشترك

اذهب الى الأسفل

التكاسه سبب الانتكاسه Empty التكاسه سبب الانتكاسه

مُساهمة  ahmed amin 15/7/2009, 15:33

جزء مفقود من النص!!



أمس بعد الكورة بتاعة الجماعة قالوا ليك بلاتر اتصل على حياتو بتاع الكاف الكلام كلو كان بالانجليزي ولو ما ضيق المساحة أنا كان جبتو ليكم بي (ضبانتو) وبي (يساتو) و(نواتو)، لكن بس الصفحة ما بتشيل، المهم قال ليك الكورة انتهت كدا، وتلفون حياتو ما وقف من الضرب، والرسائل، وقبل ما أجيب ليكم المكالمة البين بلاتر وحياتو، ح استعرض معاكم الرسائل الجات في موبايل حياتو، أول رسالة جات للراجل دا كانت من رئيس اتحاد امريكا اللاتينية، وكانت تفاصيلها كما يلي:

الأخ (هياتو).. ببالغ الحزن وصلني نبأ هزيمة رأس المجموعة الأولى ببطولة الأندية الافريقية الأبطال.. فريق المريخ في دارو ووسط جمهورو، وقدام وزراء حكومتو.. من الليلة تاني لابيني لا بينك، معقولة دا فريق تختوه في رأس مجـ.... (جزء مفقود من النص)!!.

طبعاً الرسالة طويلة الفوق دا الجزء الأول منها، لمن حياتو قفل قايلها ياها كدا، طوالي لقى ليك علامة الظرف فتحتها تاني، لقاها باقي الرسالة بتاعة رئيس اتحاد أمريكا اللاتينية:

وعتو.. انتو اختياركم دا بتم كيف اصلو، بعدين كونكم تختو ليكم فريق زي دا على رأس مجموعة فدا دليل واضح على... (جزء مفقود من النص)!!

تاني عمك حياتو قفل قال خلاص الرسالة انتهت.. تاني لقى ليه (ظرف) فتحو طوالي.. قال متوقع ليه (ظرف) من الخرطوم لو ما كدا مافي سبب يخليه يقرأ الرسائل بتاعة الشامتين والحاقدين ديل.. أول ما فتحو لقى ليك رئيس اتحاد امريكا اللاتينية.. اصلو ما عندو موضوع، دورياتو انتهت:

فشلكم.. وأنا لو كنت محلك وعندي فريق راس مجموعة قدر الدنيا اتغلب جوا استادو ووسط جماهيرو وقدام حكومتو، كنت طوالي انتحرت.. وارجو أن تقوم بمسح رقمي دا زي ما عملت أنا!!

مسكين غايتو حياتو، قفل كدا جرس الرسائل دقا في تلفونو.. فتح لقاها من رئيس الاتحاد اللبناني لكرة القدم مرسل ليه رسالة قال ليه فيها:

شو هايد اللي عم يصير عنكم يا ريال، ما عم بصدق ها الحكي، معقولة هايدا رأس مجموعة هايدا.. عم تبالغ يا حياتو، مو معقول تعملها هيك ظاهرة، يعني إذا كان هايدا هو رأس المجموعة اللي عنكم طب ايش لون آخرها، مو معقول تيم ينحط على رأس المجموعة ويكون بهيك ضعف، ما عم بصدق إنو في تيم عم تنصرف عليه كل هايدي المصاري وينغلب هيك، هايدي يا حياتو وبلا (ظغرة) فضيحة كبيرة اكتير اكتير، و...(جزء مفقود من النص)!!

تاني قفل، لقى في تلفونو في قريب عشرة (ظروف)، بقى ما عندو حل غير إنو يفتح كل الظروف دي، فتح التاني لقاها باقي الرسالة بتاعة رئيس الاتحاد اللبناني:

ومو عم تشبه (إفرييا)، إذا انتو عملتو هيك شو بدو الاتحاد الصهيوني لكرة القدم يعمل، أنا مو مصدق وأنا بشاهد في المباراة إنو التيم العم يلبس تيشيرتات احمر واصفر هايدا هو رأس المجموعة الأولى عنكم، يا زلمي لو رأس مجموعتكم هيك شكل بدي اخد كل المجموعات اللي عنكم، دخيلك يا حياتو لا تكسفني، وشوفي لي رأس مجموعة ع السريع، وبعطيك اللي بدك ياه!!.

حمد الله إنو رسالة رئيس الاتحاد اللبناني لكرة القدم انتهت، مشى فتح ليه واحدة تاني قال يمكن يكون دا الظرف الراجيه، فتحا لقاها ليك رسالة من رئيس الاتحاد المصري لكرة القدم:

فينك يا جدع، أنا من الصبح بتصل عليك ما بتردش علي ليه، ظاهر عليك خكلان أوي أوي، معقولة يا حياتو دا تيم تجبهولنا على رأس مجموعة، دا أيه الهنا الانت فيه دا، ياخي كان تخلي عندك حتة دم وتقيب الجونة بدالو، آآه امال ايه، فريق تعبان زي ده احسن كان تكلمنا واحنا كان جبنا ليك تيم زي الفل، عندنا.....

ما قدر يتمها طوالي قفلها ومسحها من القائمة!!.

فتح الرسالة البعديها طوالي لقاها من رئيس الاتحاد الهندي للكريكيت قال ليه:

سلام هياتو، انت ليش يسوي هادا مسخرة، هادا تيم يجلس اول في مجموعة، انت واحد يسوي (مِني مِني)، هادا تيم يجي داخل بلاد مال أنا طوالي نودي كشرة، انت تاني ما يسوي اتسال مال أنا، نهي اتسال، نهي مسج!!.

تاني صاحبنا قفل وقال في نفسو دا آخر ظرف أنا افتحو، لقيتو ياهو ظرفي خلاص، ما ياهو ما عاوز ذاتو.. فتح ليك الظرف لقاه ليك من رئيس الاتحاد الفنزويلي لكرة القدم، وطبعاً رئيس الاتحاد الفنزويلي دا بتكلم بي لغة زي حقتنا بتاعة الرندوق، اصلهم هناك عندهم اللغة الرسمية هي اللغة الرندوقية الفصحي، فتحها:

(نشو) يا درفا، كالين ما ملعتها رااااهظة، عملوقة كالين تبيج ليك ميت، محام يز دا، وتتوخو في سار الجمجوعة، كالين قيلتك جارل ياي لكام، عمقولة سب، ذا كان دا سار جمجوعتكم بيط صنها فيك، الوق ليك جاحة، الجمجوعة الولى تباعتكم نأأ رباي ببلغا ليك، جمجوعة السار تباعها يتبلغ في رأضو وسوط مجهورو، ودقام سان محوكتو، ونم نمو، نم رفيق الكتسي، دصقني يا درفه، ميت يز الرميخ في جمجوعة تباعة طبولة كومبوليتا ما اتخو.. ارمح فنسك، يخسي لعيك!!.

قبل ما يتم الرسالة الجرس ضرب، لقاه ليك بلاتر، قال الراجل عاوز يواسيه في رأس مجموعتو، فتح سريع سريع:

=الو سلام عليكم يا (ريس)!!

-ريس في عينك.. دا شنو الفضائح البتعمل لينا فيها دي!!

=فضائح شنو يا ريس (كاف) الله الشر؟!.

=صحي الكلام الأنا سمعتو دا؟!

-كلام شنو يا ريس، ديل اكيد هلالاب سويسرا عاوزين يوقعوا بينا بس!!.

=التيم الكان لاعب قبل شوية دا صحي انتو خاتنو على رأس مجموعة؟!

-ايوا.. لكن..

=لكن دي عاوزة ليها لكن.. اعتبر نفسك محول للجنة الانضباط!!

-يا ريس انت بتقول في شنو.. أنا لو مشيت لجنة الانضباط ما بغرق براي!!

=انت بتهددني؟!

-العفو يا ريس.. لكن التيم دا انتو المصنفنو الـ(71) عالمياً كمان عاوز تنكر!!.

=كيف الكلام دا؟!

-زي ما اقول ليك كدا.. التيم الما عاجبك دا انتو مصنفنو كدا.. عاوزني يعني اخلي تصنيفكم!!.

=لا لكن كمان انت خليك منطقي شوية، معقولة تيم زي دا تختو لينا في رأس مجموعة عشان انحنا صنفناه في المركز 71؟!

-لا ما كدا بس..

=شنو تاني؟!

-الكابتن بتاعو كان في استفتاء عملتوه انتو جا رابع لاعب في العالم من حيث الشعبية!!.

=دا منو.. هو التيم دا بلعب فيه ايتو؟!

-لا.. ما ايتو؟!

=طيب اكيد يكون دروغبا؟!

-برضو ما صحيح.. انت يا ريس بتصنفو ساي كدا، ما عارفين رابع لاعب من خمسين لاعب في العالم.. هو العالم دا كلو قدر شنو عشان ما تعرف رابع لاعب فيه؟!.

=حاجة غريبة.. اسمو منو بالله رابع لاعب في العالم دا؟!

-اسمو فيصل العجب شيكو.. اقصد سيدو!!

=وجا رابع لاعب في العالم من تصنيفنا نحنا!!.

-ايوا يا ريس!!.

=متأكد في كورة القدم؟!

-انتو عندكم حاجة تانية غير كورة القدم؟!

=ايوا..

-شنو؟!

=في الـ............(جزء مفقود من النص)!!




منقول
ahmed amin
ahmed amin
مشرف عـــام
مشرف عـــام

عدد الرسائل : 1158
العمر : 35
الموقع : قدام الشاشه
رقم الدفعه : 9
نقاط : 6763
تاريخ التسجيل : 24/11/2008

http://goansport.net

الرجوع الى أعلى الصفحة اذهب الى الأسفل

التكاسه سبب الانتكاسه Empty رد: التكاسه سبب الإنتكاسه

مُساهمة  Orwa Abdelmonim 15/7/2009, 16:57

هاهاهاهاهاهاهاهاهاهاهاهاهاهاهاها .. والله لكن مابالغت .. قطعت مصاريني بالضحك خصوصا حته الرندوق دي .. لو قراهو مريخابي حيعلن عليك الجهاد .. إبدااااااع .. تسلم ( بالمناسبه أنا عنصر محايد ولا أنحاز لأي فريق سواء سوداني أو غيره ) .....
Orwa Abdelmonim
Orwa Abdelmonim
مشرف عـــام
مشرف عـــام

عدد الرسائل : 1430
العمر : 37
الموقع : ولاية نهر النيل.. الدامر..
رقم الدفعه : seventh
نقاط : 7311
تاريخ التسجيل : 12/10/2008

http://www.ma3arif.ba7r.org

الرجوع الى أعلى الصفحة اذهب الى الأسفل

التكاسه سبب الانتكاسه Empty رد: التكاسه سبب الانتكاسه

مُساهمة  Dr. Areeg magzoub 15/7/2009, 19:19

ههههههههههههههههههههه عسل اريتو القيصر يجى يقراها بالزات ............

عليك زوق يا دكترة
Dr. Areeg magzoub
Dr. Areeg magzoub
الادارة
الادارة

عدد الرسائل : 858
العمر : 37
الموقع : جامعه امدرمان الاسلامية
رقم الدفعه : الدفعة العاشرة
نقاط : 6715
تاريخ التسجيل : 19/11/2008

http://www.google.com

الرجوع الى أعلى الصفحة اذهب الى الأسفل

التكاسه سبب الانتكاسه Empty رد: التكاسه سبب الانتكاسه

مُساهمة  alfatih hamad 16/7/2009, 23:29

هاهاهاهاهاهاهاهاهاهاها

وين تعليقكم يا مريخاب..
تاكسسسسسسسسسسسسسسس.
alfatih hamad
alfatih hamad
الادارة
الادارة

عدد الرسائل : 787
رقم الدفعه : 9
نقاط : 5928
تاريخ التسجيل : 28/10/2008

الرجوع الى أعلى الصفحة اذهب الى الأسفل

التكاسه سبب الانتكاسه Empty رد: التكاسه سبب الانتكاسه

مُساهمة  القيصر 17/7/2009, 06:48

سبحان الله من الذي يتحدث اصحاب الصفر الدولي الكبير
اولا المريخ صنف علي راس الجموعة الافريقي لاسباب انتم تعلمونها جيدا وهي وصوله الي نهائي كاس الكونفدرالية عام2007
بعد ان اعاد السودان الي نهائيات بطولات الاندية الافريقية بعد15 عاما من الفشل ، وحصوله علي المركز الثاني في مجموعته الكونفدرالية العام الماضي جامعا بذلك 22 نقطة اهلته للتربع علي صدارة احدي المجموعتين كاول فريق سوداني يتمكن من التصنيف في هذا المستوي في بطولة قارية اخذين في الاعتبار مشاركته لاول مرة في هذه البطولة بثوبها الجديد.
ثانيا بطولة سيكافا فاز المريخ بلقبها مرتين وحل ثانيا 3 مرات وحصل علي البرونزية مرة من مجموع 6 مشاركات ، اما انتم يا اصحاب الصفر الدولي الكبير فتمكنتم من الحصول علي المركز التالت اسواء مراكز المريخ مرة واحدة من مجموع 8 مشاركات!!!!!!!!!!! ،وحققتم انجاز لم يسبقكم عليه احد في افريقيا بل العالم الا وهو الهزيمة من فريق صومالي وهذا الانجاز لا يمكن تكراره من اي قريق في العالم في القريب العاجل او الاجل هاهاهاااهاهاهاه.

اما قصة بلاتر فهي مثيرة للضحك والشفقة عليكم لانه شهد هزيمتكم من قبلنا بفرمان ملكي صادر من ملك الملوك ومعشوق القياصرة الملك فيصل العجب سيدو حفظه الله ورعاه من كل شر واعاده الينا اكثر قوة رابع اكثر لاعب شهرة في العالم ، وتم تتويجه بدرع الانقاذ من المستر بلاتر نفسه، وعندما سؤل السيد بلاتر عن الفرق السودانية قال اعرف فريق المريخ الحائز علي كاس الزعيم الافريقي مانديلا عام 89 .
اما التصنيف في المركز ال71 عالميا فهي نتيجة طبيعية لما ذكرته انفا بالاضافة لفوزه بالدوري الممتاز وعدم تعرضه للخسارة في دوري الابطال حتي الان.

انه المريخ يا هؤلاء افضل منقب سوداني عن الذهب الافريقي وصاحب اجمل واروع وافضل انجازات سودانية علي الاطلاق وكاتب التاريخ الكروي السوداني.
انه النادي السوداني الوحيد المسجل علي لائحة الشرف في الاتحاد الافريقي للاندية البطلة لمسابقاته، وهو النادي الوحيد ايضا الذي لا يمكن للمعلقين الرياضين قول للاسف بطولاته كلها محلية ، وهو ايضا النادي الوحيد الذي لاينطبق عليه بيت الشعر التالي
ولعمري ما ضاقت ارض باهلها............ ولكن احلام الرجال تضيق
القيصر
القيصر

عدد الرسائل : 531
العمر : 36
الموقع : جنبك
رقم الدفعه : 9
نقاط : 6104
تاريخ التسجيل : 11/03/2009

الرجوع الى أعلى الصفحة اذهب الى الأسفل

التكاسه سبب الانتكاسه Empty رد: التكاسه سبب الانتكاسه

مُساهمة  ahmed amin 20/7/2009, 16:38

كالعاده الحبيب غسان والنقه الفاضيه الما عندو غيرها عشان يرد بيها علي اي موضوع يقطع قلبو

نفس الجمل نفس الكلمات نفس التعابير وان اختلف شكلها

لكن برضو قرصه التكسي حاااااااااااااااااااااااااااااااره
ahmed amin
ahmed amin
مشرف عـــام
مشرف عـــام

عدد الرسائل : 1158
العمر : 35
الموقع : قدام الشاشه
رقم الدفعه : 9
نقاط : 6763
تاريخ التسجيل : 24/11/2008

http://goansport.net

الرجوع الى أعلى الصفحة اذهب الى الأسفل

التكاسه سبب الانتكاسه Empty رد: التكاسه سبب الانتكاسه

مُساهمة  القيصر 24/7/2009, 06:34

ahmed amin كتب:كالعاده الحبيب غسان والنقه الفاضيه الما عندو غيرها عشان يرد بيها علي اي موضوع يقطع قلبو

نفس الجمل نفس الكلمات نفس التعابير وان اختلف شكلها

لكن برضو قرصه التكسي حاااااااااااااااااااااااااااااااره


و كالعاده تتهرب من الرد علي ما كتبته اما بتاكيده او نفيه لشئ في نفس يعقوب
رد افتح كيبورتك ورد فتح الله عليك ولا خجلان مما كتبت
هاهاهاهاهاهاهاها
القيصر
القيصر

عدد الرسائل : 531
العمر : 36
الموقع : جنبك
رقم الدفعه : 9
نقاط : 6104
تاريخ التسجيل : 11/03/2009

الرجوع الى أعلى الصفحة اذهب الى الأسفل

التكاسه سبب الانتكاسه Empty رد: التكاسه سبب الانتكاسه

مُساهمة  ahmed amin 24/7/2009, 23:07

يا غسغس ارد ليك علي شنو اذا كنت انا بقول ليك فريقك متهالك وعلي وشك النبراشه وانت بترد بانك حققت كاس سيكافا سنه كم كده ماعارف
وانك صاحب الالقاب المخموله جوا وانك بتاع مانديلا وبتاع كاس السمايات ووووووو.
طيب اذا سلمنا بكل ده واعترفنا بيه الكلام ده كان زمان ونحن ولاد النهار ده والنهار ده تيمك واقع واطه
فريق يضم في صفوفه وبالتحديد في خط هجومه لاعبين كلفو خزينه الدوله ما يزيد عن العشره ملايين دولار لم يتمكن من احراز هدف في ثلاثه مباريات متتاليه في ثلاثه بطولات مختلفه مباراتان منهما في استاد الحكومه اقصد في استاده ووسط جماهيره فريق الفرق بينه وبين متصدر الدوري سته نقاط كامله وذلك بعد اول مباراه في الدوره الثانيه للدوري الممتاز قابله باءذن الله للزايده قد تعيد الي الذاكره فارق الثمانيه عشر نقطه
هو انتو المضيعكم شنو غير مهاجمه الهلال والبكا علي ما حققتموه قبل اكثر من قرن(ما معروف حققتوها كيف)
وانت نفسك حجوك بيها حجي

المريخ متهالك ولن يقوي علي الصمود في البطوله الافريقيه الا اذا خدمه الحظ كالعاده وحتي ان خدمه فانه لن يتجاوز المرحله المقبله
الهلال عاد وما ناوي يترك لكم فتفوته بطوله او كاس هذا الموسم

ahmed amin
ahmed amin
مشرف عـــام
مشرف عـــام

عدد الرسائل : 1158
العمر : 35
الموقع : قدام الشاشه
رقم الدفعه : 9
نقاط : 6763
تاريخ التسجيل : 24/11/2008

http://goansport.net

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى